Бу  дьыл   кулун  тутар  25  күнүгэр  нэһилиэк  библиотекатыгар  *Саһарҕа*,  *Дьулуур*,  *Талба*Нөмүгү  общественнай  түмсүүлэрин  активнай  кыттааччылара  Надежда  Михайловна  салайааччылаах  кэлэн  *Сэргэх  кэпсэтии*  төгүрүк  остуолга  кэлэн  кыттыыны  ылан  сэргэх  кэпсээннээх,  ойуу  бичик  быыстапкалаах,  ситэрэн – хоторон  көрдөрөн  биэрэр  папкалардаах  ыалдьыттаан  бардылар.  Бу  эбээлэр  бары  да  саас  ылбыт  дьоно  диэтэххэ  эдэрдии  эрчимнээх,  кырдьар  диэни  билиммэт,  элбэҕи  билэр  ааҕар  дьону  сэргэни  үмүрү  тардар  дьоҕурдаах  бэрт  сэргэх  сэбэрэлээх  эбээлэр.  Кинилэр  олохтон  хаалсыбакка  чөл  олоҕу  тутуһан  скандинавскай  хаамыынан  дьарыктанан  бэйэлэрин  доруобуйаларын  тупсарынан  ыалдьабын  диэн  олорон  хаалбыт  дьону  бэйэлэригэр  тардан  түмсүүлэригэр  кытыннаралларын  туһунан  кэпсээтэ  Анисимова  Людмила   Николаевна,   Булгунньахтаах  *Ситим*  түмсүү  чилиэнэ  Игнатьева  Наталия  Ивановна  *Сөпкө  тыыныы*  туһунан  бэйэтин  опытыттан  билсиһиннэрдэ.

Кэлбит  ыалдьыттарбыт  уран  ииһинэн  үлүһүйэн  элбэҕи  тикпиттэр  иистэригэр  туох  суоҕуй  сахалыы  быһыылаах саха  истээх,  халтаҥ  соно,  сылгы  сиэлиттэн  оҥоһуллубут  паннолара,  дэйбиирдэрэ  у.  д.  а.  Иис  туһунан  Надежда  Михайловна  саас  сааһынан  көрдөрө – көрдөрө  кэпсээн  эбээлэр  сэҥээриилэрин  ылла.  Киниэхэ  сүбэһит – амаһыт  киһинэн  буолар  *Талба*  уран  иистэнээччитэ  Андреева  Харитина  Михайловна. Саха  таҥаһынан  эрэ  бүппэтибит улуу  нуучча  норуотуттан  киирбит  күрүчүөгүнэн,  спицанан  баайыылары  былааттары,  оҕо  оонньуурдарын,  саҕалары   көрдөрөн  биэрдэ  Булгунньахтаах  активист  эбээтэ  Кондратьева  Валентина  Павловна.   Тыа  сирин  ыаллара,  бары  даҕаны  оҕуруот  олордон,  сибэкки  үүннэрэн  кылгас  сайыммытыгар  төгүрүк  сыл  устата  аһыыр  аспытын  хаһаанарбыт  таһынан  доруобуйаҕа  туһалаах  оту  — маһы  олордор,  харайар  туһунан  кэпсээтэ  Новикова  Евдокия  Егоровна. Кэпсиирин  быыһыгар    боппуруостарга  эппиэттээн  аҕалбыт  папкаларын  көрдөрөн  сөптөөх информациялары  оҥорд

Төгүрүк  остуол  иккис  түһүмэҕэ  Россияҕа  Литература  сыла  биллэриллибитин  туһунан  кэпсэтии.  Билиҥҥи  ыччат  кинигэ  аахпата  онно  төһүү  буолла.  Манна  мустубут  эбээлэр  үөрэх  диэтэххэ  үөрэх,  үлэ  диэтэххэ  үлэ  барытын  холбуу  тутан  олохторугар  туһаммыттара  билигин  да  туһана  сылдьаллар.  Онон  ыччаты  кыра  эрдэхтэн  кинигэни  ааҕыыга  тардыаҕыҥ  диэн  биир  сүбэҕэ  кэллибит.  Билигин  кистэл  буолбатах  төрөппүт  соло  буолан  оҕону  кытта  дьарыктанара  итэҕэс  соҕус  ордук  сиэннэринэн  эбээ,  эһээ  дьарыктанар  буолла.  Онон  сиэннэрбититтэн  билиилээх  дьон  буолан  олоххо  туһалаах  киһи  буоларыгар  тирэх  уурсан  кинигэ  ааҕыытын  тэнитиэҕиҥ  диэн  этии  киллэрэн  бары  улуус  эбээлэрин  ыҥырабыт.  *Эбээбинээн  ааҕабын*  диэн  проект  оҥорон  литература  сылын  мүччү  туппакка  оҕолору  ааҕыыга  угуйуоҕуҥ.  Бу  проект  улуус  таһымнаах  буоллар  диэн  баҕа  санаалаахпыт. Ытыктабыллаах эбээлэр улууспут олохтоохторо “Эбээбинээн аа5абын”  проект  туһунан бэйэҕит санааҕытын  үллэстиҥ.  Саҥа  талыллыбыт  улууспут  главата  Алексеев  Юрий  Гаврильевич  өйүө  уонна  харчыта  үбэ көстөрүгэр  суолта  биэриэ  диэн  эрэнэбит.

Ыалдьыттарбытыгар  1 – Малдьаҕар  уруккутун,  билиҥҥитин  туһунан  видеосюжет көрдөрдүбүт,  Кинилэр  кэпсээннэрин  кинигэттэн,  хаһыаттан  ааҕан,  кэпсээн  ситэрэн – хоторон  биэрдибит. Ньөмүгүттэн  ыалдьыттарга  махтал  тыллаах,  суругу  кытта  улуус  хоһоонньуттарын  хомуурунньугун   * Сырдык  үрүйэ* кинигэтин  туттарда    * Ситим *  түмсүү  салайааччыта  Кузьмина  Мария  Михайловна .  Биһиги  ааҕааччылар  махтанабыт  бу  түмсүүлэри  барыларын  түмэн,  ыҥыран  *Сэргэх  кэпсэтиини*  таһаарбыт  нэһилиэк  олоҕун  активнай  кыттааччытыгар  Кузьмина  Мария  Михайловнаҕа.

                                                                        Рыгунова  З. Ф.    Булгунньахтаах  библиотеката.