626 Общее количество просмотров,  6 Просмотров сегодня

Улахан Ааҥҥа алтынньы 27 күнүгэр  Ленинскэй Комсомол тэриллибитэ 105 сылыгар аналлаах «Эрчимнээх эдэр саас аргыһа» ырыа-хоһоон, ахтыы дьоро күнэ буолла. Бу күн эдэр сааһы, комсомоллаабыт кэмнэри ахтан-санаан аастылар. «Айар кут» литературнай куруһуок чилиэннэрэ комсомол туһунан бэйэлэрэ айбыт хоһооннорун аахтылар, элбэх комсомол, БАМ туһунан ырыалар караокенан, баянынан ылланнылар. Баяҥҥа доҕуһуоллаата Николай Семенов. Түмүккэ комсомолу билиигэ викторина ыытылынна. Бастакы миэстэни Наталья Семеновна Григорьева, иккиһи Николай Семенович Семенов, үсүһү Татьяна Егоровна Пудова ыллылар. Кэлбит ыалдьыттарбыт дуоһуйа сынньанан тарҕастылар.