557 Общее количество просмотров,  1 Просмотров сегодня

Олунньу 20 күнүгэр Хоточчу оскуолатын төрөппүттэригэр анаан » Ийэ тылынан иитии- о5о сайдар тирэ5э» төгүрүк остуол тула бэрт сэргэх сэҺэргэҺии, санаа атастаҺыыта буолла.
Физика учуутала, эбии үөрэхтээҺиҥҥэ оҕолору хомуска уҺуйааччы Черноградская Р.Д. сэтинньи ыйга буолбут саха тылын, литературатын, култууратын учууталларын Өрөспүүбүлүкэтээҕи II сийиэскэ, Хаҥалас улууҺуттан делегат быҺыытынан сылдьыбытын, сийиэс үлэтин туҺунан мустубут дьоҥҥо сырдатта.
Олохтоох бибилэтиэкэ үлэҺитэ Яндреева Л.М. саха тылын сайыннарыы тула санаатын атастаҺан, дьиэ кэргэнинэн о5ону ханнык ньымаларынан саха тылын байытыахха сөбүн холобурдаан 12 туҺалаах сүбэлэрин билиҺиннэрдэ, остуол оонньуутун оонньотто.
Саха тылын учуутала Васильева М.В. бу күннэргэ Дьокуускай куоракка ыытыллыбыт төрөппүт сугулааныгар кыттыыны ылбытын сэҺэргээтэ. Төрөппүттэри, учууталлары түмэн бырайыак барылын оҥортордо.
Өрөспүүбүлүкэтээ5и төрөппүт сугулааныгар биҺиги нэҺилиэктэн Галина, Василий Ивановтар кыттыыны ылан кэлбиттэрэ.
Төгүрүк остуолу оскуола социальнай педагога Черноградская Е.В. уонна уйул5а педагога Уваровская М.А. эрдэттэн былааннанан, бэлэмнэнэн, тэрээҺин бэрт сэргэхтик, сонуннук ааста.

Сонуну сурукка тистэ Лира Яндреева.

Поделиться: