580 Общее количество просмотров,  3 Просмотров сегодня

Хас биирдии норуот, омук бэйэтэ дойдулаах, итэ5эллээх, туох эрэ уратылаах буолар. Ол иһин хас биирдии киһи оҕо эрдэҕиттэн төрөөбүт дойду ис дьиҥнээх аатын-суолун, былыргы остуоруйатын эҥкилэппэккэ билиэхтээх. Биһиги, бибилэтиэкэ үлэһиттэрэ, эдэр ыччакка төрөөбүт дойдуну ытыктыырга, таптыырга үөрэтэр ытык иэстээхпитинэн ааҕынабыт.
Өктөм нэһилиэгин модельнай бибилэтиэкэтигэр П.И.Шадрин аатынан Өктөм осуолатын 8-с уонна 10-с кылааһын оҕолоругар анаан төрөөбүт улууспут диҥ былыргы аата төннүбүтүн туһунан улахан тэрээһин буолан ааста. Манна хайдах 30 сыл анараа өттүгэр улууспут олохтоохторо уонна патриоттара дьаныардаах икки сыл туруорсан Орджоникидзевскай оруйуонтан Хаҥалас аатын ылыммытын сиһилии билистилэр. Бу тэрээһиҥҥэ видеосюжет көрдүлэр, иһитиннэриини сэргээтилэр уонна кинигэ выставкатын кытта билистилэр. Оҕолор төрөөбүт дойду аата улахан суолта биэрэрин өйдөөн, саҥалыы санааланан бардылар.
Суруйда Н.Е. Максимова