572 Общее количество просмотров,  2 Просмотров сегодня

Олунньу ый 2 күнүгэр, улуустааҕы библиотека ааҕар саалатыгар прозаик, Улахан-Аантан төрүттээх биир дойдулаахпыт,  Егор Гаврильевич Федоров – Долун “ Бэчиэкэн баатырдара” кинигэтин сүрэхтэниитэ буолла.
           Хаҥалас улууһун муниципальнай тэриллии дьаһалтатын аатыттан, баһылык бастакы солбуйааччыта Федор Антонович Ноговицын, Улахан-Аан нэһилиэгин балыгын солбуйааччыта Геннадий Георгиевич Аммосов эҕэрдэ тылларын, баҕа санааларын тиэртилэр. Ытыктыыр киһибит суруйааччы, кыраайы үөрэтээччи Павел Николаевич Харитонов – Ойуку саҥа үүнэн эрэр суруйааччы айар үлэтин ырытта кэс тылын анаата. Дьокуускай куораттан  истиҥ-иһирэх иэйиилээх “ Айар кут “ литературнай түмсүү , “Эрэл” инвалидтар обществолара, Хаҥалас улууһун” Өлүөнэ долгуннара” литературнай түмсүүтэ кэлэн хомоҕой хоһооннорун бэлэхтээтилэр,  ылбаҕай ырыаларынан Константин Мохначевскай – Саһар5а, Юрий Семенов, Галина Иванова – Айтыына Уран, Ульяна Скрябина – Умсулҕан Хотун   кэрэ киэһэни киэргэттилэр,  эҕэрдэлээтилэр.


       Саала толору дьон мустубута, Долун дьоҥҥо-сэргэҕэ чахчы да ытыктанар, ааҕааччы кутун туппут, сүгүрүйээччилэрин сэҥээриитин ылбыт үүнэн эрэр эдэр суруйааччыбыт буолбутун туоһулаата.

Поделиться: