684 Общее количество просмотров,  1 Просмотров сегодня

Сэтинньи 24 күнүгэр Булгунньахтаахха ,Арчы дьиэтигэр, орто оскуола 6-7 кылаас үөрэнээччилэрин ортотугар Байанай ыйыгар аналлаах тэрээһин буолла. Саха итэҕэлинэн Аал уоту алаадьыннан күндүлээн, Алгыс сиэрэ- туома ыытылынна. Ол кэнниттэн оҕолор Сэтинньи — Байанай ыйа буоларын туьунан билистилэр. Оҕолор хоһооннору аахтылар, таабырын таайдылар, өбүгэлэр оонньууларын оонньоон астыннылар. Түмүгэр тэрээьин кыттыылаахтара сахалыы астаах сандалы тула олорон, тото -хана аһаан тарҕастылар. Бу тэрээһини иилээн саҕалаан ыытта «Сарыада» түмсүү салайааччыта, библиотекарь Дьяконова Анисия Алексеевна.