1,554 Общее количество просмотров,  6 Просмотров сегодня

Петрова Татьяна Михайловна-Мойуу Кыыһа Хаҥалас улууһун Бастакы Дьөппөн нэһилиэгэр төрөөбүтэ. Оскуола кэнниттэн Тыа хаһаайыстыбатын техникумугар үөрэнэн бухгалтер идэтин ылбыта.Билигин Покровскай “Сардаана” оҕо уһуйааныгар бухгалтерынан үлэлиир.Татьяна Михайловна айар үлэ умсулҕаныгар сылдьар. Ыал ийэтэ,эбэтэ, Далбар Хотун, Татьяна Михайловна кэргэнинээн ыал буолбут 3 кыыс оҕолоохтор,сэрбэйэ улаатан иһэр сиэннэрдээхтэр.

Ийэм биһиктээн ыллыыра
Эмиийин үүтүн эмтэрэн,
Түһэҕэр олордон сыллыыра
Хараҕым уутун соторо…

Татьяна Михайловнаны «Оо,Мэндэ» уонна «1 Дьөппөн орто оскуолата-81» саҥа кинигэлэриҥ тахсыбытынан истиҥник эҕэрдэлиибит.

1️⃣Айар суолуҥ хайдах саҕаламмытай?Бастакы хоһооҥҥун хаһан суруйбуккунуй?
✅Дойдубун ахтарбыттан …дьоммун суохтуурбуттан…олоҕум орто омурҕаныгар үктэнэрбэр бэйэм да өйдөөбөппүнэн ис кутум тууйуллара элбээн испитэ ол тоҕо көтөн тахсыыта айар иэйиим уһуктубута. Бастаан хоһоон тэтиминэн анабыл эҕэрдэ суруктары суруйан саҕалаабытым ити 2013 сылга.
2️⃣Былырыын «Орджоникидзевскай совхоз 50 сыла» диэн совхоз 50 сыллаах үбүлүөйүгэр сүрдээх үчүгэй кинигэ бэчээттэтэн таһаарбытыҥ.Төһө өр үлэлээбиккиний?
✅Сопхуос кинигэтин 2018 сыл балаҕан ыйыттан саҕалаабытым. Сылтан ордук олус үчүгэйдик, элбэх дьону кытта өрө көтөҕүллэн туран үлэлээбитим.
3️⃣Эн айар үлэҥ үөһүгэр сылдьаҕын. Араас күрэхтэргэ,литературнай түмсүүлэргэ көхтөөхтүк кыттаҕын.Эн саныахха айар куттаах киһи туох уратылааҕый?
✅Мин санаабар айар куттаах киһи чараас, уйан куттаах. Ойуулаан, тэҥнээн көрөр, онтон сүргэтэ өрө көтөҕүллэн ис кута арыллан тахсара хоһоон кэпсээн буолар.
4️⃣“Өлүөнэ долгуннара” литературнай кулууп эн олоххор суолтата тугуй?
✅»Өлүөнэ долгуннара» литературнай кулууптан тирэх ылабын. Соҕотох киһи соҕотох сэбирдэх курдук буоллаҕа дии.
5️⃣Иэйииҥ илгэтэ киирэн сүрэҕиҥ баҕатынан,санааҥ күүһүнэн тылбааска
холонон көрөҕүн.Тылбаас үөрэҕэ суох киһиэхэ ыарахан буолбатах дуо?
✅Ыарахан. Ол гынан баран бэйэтэ тардар ураты күүс син биир угуйар ээ. Кыра сылдьан кэмпиэккэ ымсыыраҕын дии ол курдук угуйар ураты күүстээх.

7️⃣Саха суруйааччыларыттан кими сөбүлээн ааҕаҕыный?
✅Биһиги сэбиэскэй кэм оҕолоро Николай Якутскай, Амма Аччыгыйа, Суорун Омоллон, Болот Боотур, Далан кинигэлэрин кыбына сылдьан ааҕан улааппыт оҕолор буоллахпыт дии, ол иһин билигин да саха суруйааччыларын эккирэтэн ааҕабын. Кэлин сэргээн аахпыт кинигэлэрим Куорсуннаах «Аан талҕа» романа, Сайа «Уйгур», Уйулҕан «Туоһахта уонна Лэкиэс» Уһук Уйбаан «Муммут оҕо» Иван нАндросов-Айанньыт «Тумаҥҥа симэлийбиттэр».
8️⃣Билигин былааҥҥар суруйарга тугу бэлэмнии сылдьаҕын?
✅Инники былаан өссө күүскэ үрдүк таһымнаахтык үлэлээбит киһи.
9️⃣Дьиэ кэргэниҥ туһунан кэпсээ.
✅Кыргыттарбыт туспа ыаллар. Элбэх сиэннэрдээхпит ол иһин күммүтүн кинилэринэн салайтарабыт. Олох орто сүнньүн тутан үчүгэй, дьоһун дьон буолан тахсалларыгар баҕарабыт. Күөх кутаа суоһугар умайа

Татьяна Михайловна кэпсээниҥ иһин махтанабыт.

Тапталлаах дьиэ кэргэн ийэтин,эйиигин Россия Ийэлэрин күнүнэн истиҥник эҕэрдэлиибит.

Айар талааныҥ арыллан истин,
Түбүктээх үлэҥ үтүө түмүктээх буоллун
Чугас дьонуҥ сылаас тапталларыгар бигэнэн
Дьоллоох-соргулаах олохтон!