844 Общее количество просмотров,  1 Просмотров сегодня

  Бэс ыйын 20-21 күннэригэр «Орто Дойду” киэҥ киэлитигэр өрөспүүбүлүкэбит 15 улууьуттан уонна Дьокуускай куораттан барыта 150-чэ оҕо тоҕуоруһа мустан олоҥхолоон дьиэрэттилэр. Ол иһигэр 58 оҕо соҕотохтуу, 90-ча оҕо болоҕүнэн олоҥхону толордулар.
Оҕо олоҥхону толоруутун Сысолятина Зоя Григорьевна – А.Е. Кулаковскай аатынан Норуттар Доҕордоһууларын дьиэтин сүрүннүүр исписэлииһэ, Саха республикатын култууратын үтүөлээх үлэһитэ, Филиппова Нина Игнатьевна –ф.н.к. СР национальнай оскуолаларын чинчийэр институт с.н.с, Ефимова Диана Гаврильевна – СР национальнай оскуолаларын чинчийэр институт с.н.с састааптаах дьүүллүүр сүбэ сыаналаата.
эрийэр үлэни Скрябина Н.Ф.,Скрябина Н.П. толордулар. Толорооччулар икки бөлөххө (7-12 с., 13-17 саастарыгар дылы)арахсан куоталастылар. Оҕолорго кылаан бириис-3 Париж куоракка барар путевка уонна икки бөлөҕүнэн дипломнар, номинациялар туттарылыннылар.  
 
alt
 
          Париж куоракка барар путевкалары туттулар: Петров Гена –Амма улууһа, Бетюн сэл.,Попова Сайаана – Чурапчы  улуүһа,  Чакыр сэл. уонна Прокопьев Данил – Хаҥалас улуүһа, 2 Дьөппөн нэһ.
Өссө биир кылаан бирииһи Чурапчы Чакырыттан сылдьар Алексеева Настя ылла.
Бастакы бөлөххө миэстэлэринэн маннык түмүк таҕыста:
1 миэстэ – Саввинов Олег – Бүлүү  улуүһа,  Тааьа5ар сэл.
2 миэстэ – Андреев Миша –Сунтаар улуүһа,  Тойбохой сэл.
3 место – Соловьев Айаал – МэҥэХаҥалас улуүһа,  Тарат с.
Иккис бөлөх түмүгэ:
1 миэстэ – Ефремов Саша – Амма улууһа , Бөтүҥ сэл.
2 миэстэ – Бурцева Маша – Дьааҥы улуүһа,  Сайдыы сэл.
3 миэстэ – Осипов Айтал – Бүлүү улуүһа,  Тааьа5ар сэл.
Бөлөҕүнэн олоҥхону толоруу түмүктэрэ:
-«Утум» — Хаҥалас улуүһа,  Тиит-Арыы сэл.
-«Сэрбэкэ» -Амма улуүһа, Соморсун сэл.
-«Кылыьах»- Үөһээ-Бүлүү  улууһа,  Н. Бойлохов аатынан оҕо искусство оскуолата

          Ол курдук, кырачааннар диэн 7-12 саастарыгар диэри оҕолор күрэхтэригэр ордук С.Васильев “Эрчимэн Бэргэн”, П.Ойуунускай “Ньургун Боотур”, П.Ядрихинскай
“Дьырыбына Дьырылыатта”, С. Васильев “Мөҥүрүүр Бөҕө» диэн олоҥхолоруттан быһа тардан аахтылар уонна толордулар. Оттон улахаттар ити олоҥхолорго эбии бэйэлэрин түөлбэлэрин ийэ олоҥхоһуттарын айымньыларын толордулар. ДьааҥыларТомская Д.А. олоҥхотун “Үчүгэй Үөдүгүйээн , Куһаҕан Ходьугур», Аммалар Үстүүн Нохсоороп “Хараҕын анныгар хаппар саҕа хара мэҥнээх Хайаҕымсах Хаан Тойон уола өлбөт – сүппэт үрүҥ Уолан бухатыыр» уо.д.а. олоҥхолорун иһитиннэрдилэр. Кэрэхсэбиллээҕэ диэн, дьүүллүүр сүбэ чилиэннэрэ оҕолору билэллэрэ, биирдиилээн сүбэ-ама биэрэллэрэ бэрт эбит.

            Бары кыттыбыт оҕолорго туоһу сурук туттарылынна, каыйыылаахтарга СР үөрэҕин министиэристибэтэ туруорбут “Көмүлүөк» фирма бэртээхэй иһитин набордара туттарыланнырар.

alt

alt

alt

alt

alt

alt

alt

alt

alt

alt

Поделиться: