1,783 Общее количество просмотров,  1 Просмотров сегодня

Күндү ааҕааччыларбыт, бүгүҥҥү ыалдьыппыт суруйааччылар сойуустарын Норуоттар икки ардыларынааҕы түмсүүлэрин, Саха Өрөспүүбүлүкэтин суруйааччыларын сойууһун чилиэнэ, Хаҥаластар күтүөттэрэ, ДАНИЛОВ ВАЛЕРИЙ СОФРОНОВИЧ – Эркин.

1️⃣ Хантан хааннааххын, кимтэн кииннээххин?
✅Мин 1949 сыллаахха кулун тутар 1 күнүгэр Сунтаар улууһугар Бүлүүчээн нэһилиэгэр төрөөбүтүм.

2️⃣ Бу бастакы кинигэн хаһан, ханнык бэчээт кыһатыгар тахсыбытай ким хомуйан оҥорбутай?
✅Бастакы кинигэбин 2004 сыллаахха Бичик кинигэ кыһатыгар таһааттарбытым. Н.Е. Винокуров — Урсун бэлэмнээн, редакциялаан күн сирин көрдөрбүтэ.
Эн суруйааччы буоларгар ким улахан өҥөлөөх дии саныыгыный?
Бастакы хоһооннорбор 70—с саҥаларыгар «Тугун бэрдэй кэрэтэй» диэн норуокка киэҥник биллибит ырыа ааптара Николай Сергеев диэн поэт көрөн—истэн элбэх сүбэлэри биэрэр этэ.

3️⃣ Эн сиппит-хоппун поэт, суруйааччы буолаҕын кинигэлэриҥ олох араас кэрдиистэрин көрдөрөллөр, санаабыт санааҥ кинигэлэргэр киирэр дии саныыгын дуо?
✅Хоһооннорбор олорор олоҕум кэрдиис кэмнэрин хаптаран суруйа сатыыр буоллаҕым дии. Саныыр санаабын сурукка киллэрэбин.
Кинигэлэрин ааттарын хайдах сиэттэрэн талаҕын?
Бу аат барсыа диэн кинигэм ис хоһоонуттан сиэттэрэн талабын.

4️⃣ Хоһоон тылынан олох муудараһын дьоҥҥо тиэрдиэххэ сөп дуо?
✅Олох муудараһын хоһоонунан тиэрдиэххэ сөп дии саныыбын.

5️⃣Эдэр суруйааччылар тыллара өстөрө хайдаҕый?
✅Саҥа суруйар эдэр дьоҥҥо тыл баайа тиийбэт дии саныыбын.

6️⃣Дьоҥҥо тугу сөбүлүүгүн уонна сөбүлээбэккин?
✅Киитэрэй,албын дьону сөбүлээбэппин,көнө сүрүннээх үлэһит дьону сөбүлүүбүн.

7️⃣Билигин айар үлэҕэр туох былааннааххын?
✅Билигин үс кинигэ буолар 300—чэ хоһоону суруйан бэлэмнээн сытыарабын, биир поэманы суруйбутум. Биир, туох баар урукку, хойукку кэпсээнэрбин хомуйан, кинигэ оҥорон бэлэмнээбитим. Таһааттарарга үбэ—харчыта кыаллыбат

8️⃣Саха суруйааччыларыттан сөбүлүүр айымньыҥ уонна суруйааччын?
✅Амма Аччыгыйа «Сааскы кэм» ромаанын сөбүлүүбүн. Уура сылдьан арыйталаан көрөбүн. Эрилик Эристиин айымньыларын оҕо эрдэхпиттэн умсугуйан ааҕабын.

#хангаласскийулус
#библиотекановогопоколения
#хангаласскаямцбс
#модельнаябиблиотека
#культураханалас
#якутия