Улуустааҕы научнай-практическай конференция «III Эргис ааҕыылара»

 161 Общее количество просмотров,  1 Просмотров сегодня

       Муус устар 3 күнүгэр улуустааҕы кииннэммит библиотекаҕа саха фольклоругар дириҥ чинчийиилэри онорбут, утумнаахтык үлэлээбит, Саха сирин, Россия научнай эйгэтигэр бэлиэ суолу-ииһи хаалларбыт биһиги биир дойдулаахпыт Георгий Устинович Гермогенов-Эргис 105 сааһыгар аналлаах улуустааҕы научнай-практическай конференция  «III Эргис ааҕыылара» бэрт тэрээһиннээхтик ааста.
Манна улуус оскуолаларын үөрэнээччилэрэ Тиит-Арыыттан, Улахан-Аантан, Булгунньахтаахтан, Бэстээхтэн, Тиит-Эбэттэн, Кэрдэмтэн, Нөмүгүттэн, Өктөмтөн уонна Покровскайтан кытыннылар.  
      Оҕолор дакылааттарын дьүүллүүр сүбэни Ой орто оскуолатын учуутала Федорова Р.В. салайда. Сүбэҕэ «Хаҥалас» хаһыат редакциятыттан Тапыев В. Г., улуус библиотекатын директорын солбуйааччыта Варламова Ф. Р., библиотекара Прокопьева М. А. , «Саргы түһүлгэтэ» культура киинин үлэһитэ Ющенко Д. Д. үлэлээтилэр.
 
    Оҕолор Эргис төрүччутүн, аймах-билэ дьоннорун туһунан, олоҥхоҕо, остуоруйаҕа, төрөөбүт төрүт дойдуларын историятыгар аналлаах кэрэхсэбиллээх дакылааттары аахтылар, үлэлэрин экраҥҥа көрдөрөн матырыйаалларын ситэрэн биэрдилэр Бастакы миэстэҕэ — «Ырыа Былатыан — Семенов Платон Саввич» үлэтинэн 2 Мальдаҕар орто оскуолатын 8 кыл. үөрэнээччитэ Трофимов Володя, «иккис миэстэҕэ — «История Тит-Аринской ямщицкой станции» үлэтинэн Тит-Арыы орто оскуолатын 6 кыл. үөрэнээччитэ Индеева Юлия, үһүс миэстэҕэ — «Национальное своеобразие сказок народов саха» үлэтинэн Бэстээх орто оскуолатын 6 кыл. үөрэнээччитэ Шадрина Арина таҕыстылар.  Номинацияларынан «Кэскиллээх чинчийээччи» — Фейльмецер Денис, «Эргис сүгүрүйээччитэ» — Бурнашова Аина, «История биллибэт страницалара» — Захаров Айаал, «Олонхону чинчийээччи» — Севостьянова Кристина, «Хаҥалас олонхотун сөргутээччи» — Кириллин Антон, «Саха остуоруйатын чинчийээччи» — Сивцев Сарыал буоллулар.
 
 
 
 
Поделиться:

Добавить комментарий

Ваш адрес email не будет опубликован. Обязательные поля помечены *

WordPress Lessons
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности