95 Общее количество просмотров,  1 Просмотров сегодня

Ахсынньы 7 күнүгэр Чкаловтааҕы 12 №-дээх библиотека-филиал (кыл. библ. Степанова Р.С.) саха литературатын сайдыытыгар уонна саха духовнай олоҕор улахан суолу хаалларбыт, саха норуотун билиниитин ылбыт саха норуодунай поэта Семен Петрович Данилов төрөөбүтэ 105 сылыгар уонна саха норуодунай суруйааччыта Софрон Петрович Данилов төрөөбүтэ 100 сылыгар аналлаах литературнай биэчэри тэрийэн ыытта. Тэрээһиҥҥэ норуодунай суруйааччылар олохторо, айымньылара сырдатылыннылар. Софрон Данилов оҕолорго аналлаах кэпсээннэринэн 3-с Малдьаҕар орто оскуолатын үөрэнээччилэрэ инсценировка туруоран көрдөрдүлэр: 1 кылаас оҕолоро — «Хорсун уол» кэпсээни, 2 кылаас оҕолоро — «Икки ийэ уонна икки кыыс», 3 кылаас оҕолоро — «Манчаары», 4 кылаас оҕолоро — «Сахалыы саҥарар иһин».
Семен Данилов хоһоонноругар айыллыбыт ырыалар ылланнылар, хоһооннор ааҕылыннылар. Бүтэһигэр А.Старостина толоруутугар Семен Данилов «Маҥнайгы хаар» хоһоонугар, Виталий Андросов мелодиятыгар ырыа дьиэрэйдэ.

Поделиться: