1,535 Общее количество просмотров,  1 Просмотров сегодня

Сэтинньи ый Байанай ыйа, бу ыйга өбүгэлэрбит муҥхалыыр кэмнэрэ буолар. Сэтинньи ый 20 күнүгэр култуура үлэһиттэрэ айылҕалыын алтыһаары аан бастаан муҥха түһэрии сиэри туому ыыттылар.
Муҥхалааһын сахаларга былыр – былыргыттан быстыбакка кэлбит үтүө үгэспит, ыһыахха дьүөрэлээх биир улахан түһүлгэ түмсүүтэ буолар. Ыраах – чугас сирдэртэн ыҥырсан, бултуйаары кэлэллэрэ. Муҥхалааһын өбүгэ саҕаттан күүһү – кыаҕы, өйү – санааны түмэр, тулууру, күүһү, сатабылы эрэйэр. Манна сааһыттан тутулуга суох кыра оҕотугар тиийэ бараллар.
Уу иччитэ эмиэ, тыа иччитин курдук булт тэрилэ ыраас буоларын сөбүлүүр. Ол иһин муҥханы, илими, тууну, ардьааҕы түһэриэх иннинэ буруонан арчылаан-алгыстаан, сиэри туому ыытта Алгысчыт Андриан Белолюбскай.
Муҥхаҕа кыттыыны ыллылар:
• Хаҥалас улууһун култуураҕа уонна духуобынай сайдыыга салалтатын үлэһиттэрэ @culturahangalas;
• Хаҥаластааҕы поселениелар икки ардыларынааҕы кииннэммит библиотека ситимин үлэһиттэрэ @pokrovskbiblioteka;
• Г.В.Ксенофонтов аатынан кыраайы үөрэтэр музей үлэһиттэрэ @muzey_gvksenofontova;
• Хаҥалас улууһун Арчы Дьиэтин норуот айымньытын киинин үлэһиттэрэ @archydiete20;
• Нөмүгү нэһилиэгин аҕалар сэбиэтин түмсүүтэ, уонна нэһилиэк олохтоохторо.

#хангаласскийулус
#библиотекановогопоколения
#хангаласскаямцбс
#модельнаябиблиотека
#культураханалас
#якутия

Поделиться: