1,105 Общее количество просмотров,  3 Просмотров сегодня

[member]

Image Image

Никодимовы( Акулина Егоровна и Николай Петрович)

Сиинэ олохтооҕо Никодимов Николай Петрович 1955 сыл ахсынньы ый 30 күнүгэр эмиэ Чараҥ олохтооҕун, бииргэ оонньоон улааппыт кыыһын Леверьева Акулинаны кытта сүбэлэрин холбоон ыал буолбуттара 54 сыл буолла.

Кырдьаҕас ыал ийэтэ Акулина Егоровна 1936 сылаахха ыам ыйын 18 күнүгэр Чараҥҥа Бөртө сайылыгар төрөөбүтэ колхозтаах ыал кэргэнигэр бастакы оҕоннон. Дьоно 6 оҕолоох ыал этилэр ? 5 кыыс, биир уол оҕолоохторо. Аҕата Егор Трофимович Леверьев аҕа дойдуну көмүскүүр сэрии актыыбынай кыттыылааҕа, эдэригэр колхоз араас орто салайааччы үлэтигэр үлэлээбитэ. Ийэтэ Татьяна Ивановна Леверьева эдэригэр колхозка ыанньыксытаабыта, сэрии саҕата детсаадка оҕо көрөөччүннэн кылгас бириэмэҕэ от үлэтин саҕана үлэлээбитэ, онтон арыыһыттабыта. Онтон эдэригэр ыарыһах буолан эрдэ олохтон туораабыта.

Акулина Егоровна колхозка 15 саастааҕыттан молотилкаҕа, ыһыыта үлэлээбитэ. Эһилин күһүнүгэр субай сүоһүнү көрөр, 17-тэн хойукка дылы колхозка ыанньксыттыыр.

Оттон Сиинэ сельпотугар бэкээринэҕэ тэхүлэһитинэн, кэлэн килиэп үтээччиннэн үлэлиир пенсияҕа тахсыар диэри.

Акулина Егоровна колхозка ыанньыксыттыы сыльдьан үлэҕэ үрдүк көрдөрүүтүн иһин ВДНХ быыстапкатыгар 1967 сыллаахха саыйн кыттыбыта, наҕараадаларынан буолаллар “Үлэ бэтэрээнэ”,биэс уол оҕоломмутугар  Материнство II степеннээх мэтээлэ, бэкээринэҕэ үтүө үлэтин иһин Белокуриха курордугар путевкаҕа тиксибитэ. Эдэригэр дэриэбинэ культурнай олоҕор актыыбынайдык кыттан концертка өрүү кыттара. Николай Петрович төрөппүттэрэ аҕата Никодимов Петр Романович Чараҥ олохтооҕо колхоз кадровай булчута, сайынын окко хотуулаахтык үлэлээбитэ. Сэрии саҕата леспромхозка мас кэрдиитигэр улэлээбитэ, колхоз стахановеһа этэ.

Ийэтэ Евдокийя Николаевна Тумул нэһилиэгин кыыһа эдэригэр субай көрүүтүүгэр, сайын окко, күһүн бурдук хомуурутар. Дьоннор барыта 5 оҕоломмуттара ол иһигэр 3 уол, 2 кыыс. Нэһилиэк аатырбыт дуобатчыга.

Николай Петрович тыыл бэтэрээнэ, 4 кылааһы 14 саастааҕар бүтэрэр. Оҕо эрдэҕиттэн колхоз үлэтигэр ыһыыга, окко үлэлиир. Сэрии саҕана 1943 сылтан аҕатыгар сылгыны көрүүгэ көмөлөһөр. Кэнники колхоз быстах үлэтигэр, балыксыттар бригадаларыгар Сиинэҕэ Рыбтресткэ Захаров Никифор Ивановичтыын, Захаров Иван Ивановичтыын үлэлиир. Тутууга араас үлэҕэ үлэлии сылдьан Дабаанҥа леспромхозка болуот таҥыытыгар, атаарыытыгар үлэлиир. Онтон Куруҥнаах леспромхоз аһыллыбытыгар кэлэн үлэлиир. Армияҕа 1952 сылтан 1955 сылы хабан Кытайга, Белоруссияҕа сулуспалыыр. Дойдутугар эргиллэн кэлэн тутууга үлэлии сылдьан 1956 сылтан сылгыһыт Леверьев Алексей Трофимович пенсияҕа тахсан кини сылгыларын тутан бастайааннай сылгыһыт буолбута. 26 сыл пенсияҕа тахсыар дылы идэтигэр олус бэриниилээхтик үлэлээбитэ. Николай Петрович Сиинэ сэлиэнньэтин Бочуоттах олохтооҕо, коммунистическэй үлэ ударнига, ВДНХ-ҕа 1970 сыллаахха кыттыбыта, үтүө үлэтин иһин ҺВетеран труда”  “За доблестный труд в Великой Отечественной войне 1941-1945гг”, ҺМаршал Советского Союза Жуков Г.К.”, “80 лет ВЛКСМ”, сэрии юбилейнай мэтэллэринэн наҕараадаламмытара. Совхоз бастыҥ үлэһитин быһыытынан Румынияҕа, онтон Чехословахияҕа туристическая путевканнан наҕараадаламмыта.

Совхоз саҕана 1986 сыллааха кэргэнии ыал путевкатынан  Осетрова — Ленскэй — Мииринэй маршрутунан күүлэйдээбиттэрэ.

Дьоллох уһун олох түмүгүнэн Николай Петрович уонна Акулина Егоровна 6 оҕону төрөтөн 5 уолу, 1 кыыһы улаатыннаран атахтарыгар туруордурар. Маны таһынан 11 сиэн, 7 хос сиэн тапталлаах эбээлэрэ,эһэлэрэ буолаллар. 4 уол ытык иэстэрин толорон үчүгэйдик армияҕа сулууспалаан кэлбиттэрэ. Оҕолор бары хайы-сах үлэһиттэн, саастаах ыаллар, оннооҕор 5 сиэн олохторун буолбут ыал буоллуллар.

Нэһилиэк ытык кырдьаҕастара Акулина Егоровна, Николай Петрович үөрүүлээх көмүс сыбаайбаларын киэҥ урууну ыҥыран 2005 сыллаахха кыһыл киэҥ далааһыннахтыы бэлиэтээбиттэрэ. Билигин да сэргэх соҕус кырдьаҕас оҕолоругар, сиэннэригэр, аймахтарыгар сүбэ-ама, күүс-көмө буолан дьоллохтук олороллор төрөөбүт-ууһаабыт түөлбэлэригэр.

[/member]

Поделиться: