1,387 Общее количество просмотров,  1 Просмотров сегодня

        Литература сылыгар аналлаах тэрээһиннэр тиһигин быспакка ыытыллаллар. Хаҥалас улууһун кииннэммит библиотечнай ситимин библиотека –филиаллара араас проектаах, программалаах, былааннаах үлэни ыыталлар.
 
Ол курдук,  сэтинньи байанай ыйыгар аналлаах Тиит-Арыы нэһилиэгэр араас тэрээһиннэр буоллулар. Билиҥҥи кэмнэ эр киһи ааҕыыга интэриэһэ мөлтөөн турар кэмигэр эр дьону көҕүлээри, түмээри, ааҕыыга сыһыараары Тиит-Арыы нэһилиэгин библиотекара Архипова Елена Ильинична «Ааҕар эр киһи -сайдыы төрдө» диэн программалаах үлэлиир. Бу программа бастакы хардыытынан «Тайҕа бэлэҕэ» диэн ток –шоу, кинигэ быыстапката уонна эр дьонно уус –уран ааҕыыга күрэх буолла. Нэһилиэк эр дьоно литература хасыһан, бэйэлэригэр сөптөөх тема булан кытыннылар. Ыытыллар тэрээһиннэри өйөөн олохтоох предпринимателлэр сыаналаах бириистэри, «Якутцемент» ААО ген.директора Мамедов А.З. сааҕа «Байанай» маҕаһыынтан сертификат туруордулар. Бу күрэххэ «Таатта автодор» үлэһитэ Арылахов Е.В. авторскай «Доҕорум алгыһа» диэн айымньытынан кыттан Гран –при буолла. 1-кы степеннээх диплому Улахан –Аантан Марков Т.И. «Хара суор» айымньытынан кыттан ылла. 2-ис степеннээх диплому Тиит –Арыыттан Самсонов В.М. «Сиэгэн булчут» диэн Т.Сметанин кэпсээнинэн таҕыста. 3-с степеннээх диплому Тиит –Арыыттан Ноговицын П.П.авторскай «Утуму салҕаан» диэн ааҕыыны уолаттарынаан дьон көрүүтүгэр таҕыста. Бары кыттыбыттарга сыаналаах бириистэр, сертификаттар туттарылыннылар.
 
Ити курдук, ааҕыыны көҕүлээн, бу тэрээһин чэрчитинэн араас күрэхтэргэ дьон үөрэ –көтө көхтөөхтук кытынна. Манан тохтоон хаалбакка инники өттүгэр улуус таһымыгар ыытыахха сөп эбит диэн түмүккэ кэллибит.

Ф.Р.Варламова, ЦБС директора
 
 
 
 
 
 
 
 
 
 
 
 
 
 
 

Поделиться: