74 Общее количество просмотров,  5 Просмотров сегодня

Быйыл II- Дьөппөн орто уопсай үөрэхтээһин оскуолатын 125 сылыгар аналлаах , бастакы үһүлүөйдээх тэрээһини тохсунньу 21 күнүгэр «Оҕо, төрөппүт, оскуола –быстыспат ситим» форуммут арыйда. Дария Скрябина дириэктэрдээх II-с Дьөппөн орто оскуолатыгар, элбэх төрөппүт уонна учуутал кыттыылаах сэргэх тэрээһин буолан ааста.
Форум буолуон иннинэ «Утум» төрөппүт сүбэтигэр сорудах бэриллибитэ, оскуола, төрөппүт үлэтигэр туох этиилээххитий? тугу саҥаны киллэриэххэ сөбүй? оҕону иитиигэ ханнык тиэмэ интэриэһиргэтэрий? диэн кылаастарынан уонна оскуола директора Дарья Ивановна Скрябинаны, иитэр үлэни сүрүннээччи Анжелика Николаевна Лебедеваны кытта төгүрүк остуолга олорон тиэмэбитин быһаарбыппыт.
Форум модератордарынан «Дьиэ кэргэн уонна ыччат социальнай- психологическай өйөбүлүн кииниттэн» психолог Анна Ивановна Иванова Покровскай куорат «Аҕа сүбэтин» салайааччыта Уйгуров Иван Афанасьевич, Дьокуускай куораттааҕы «Дьоҕуру сайыннарар киин» салайааччыта Крылова Виктория Владимировна ыалдьыттаатылар.
Тэрээһиммит «Үөрэх баар- баар бараммат баай», «Уол оҕо- норуот кэскилэ», » Идэни сөпкө талыы — олох суолугар таба тайаныы» тиэмэлэринэн араас быһыылаахтык, олус интэриэһинэйдик, сэргэхтик ааста.

Бу сонун тэрэһиҥҥэ кыттыбыт ыалдьыттарбытыгар, оскуола коллективыгар, «Утум» төрөппүт сүбэтин аатыттан махталбытын тиэрдэбит.

Ньургуйаана Лебедева, «Утум» төрөппүт сүбэтин салайааччыта, олохтоох бибилэтиэкэ үлэһитэ.

 

Поделиться: