1,684 Общее количество просмотров,  5 Просмотров сегодня

Ийэ тыл уонна сурук-бичик күнүгэр Төхтүр нэһилиэгин олохтоохторо «Ийэ тылынан иитэбит, саха тылынан сайдабыт» диэн модельнай библиотека уонна «Эркээни» култуура киинэ ыыппыт тэрээһинигэр кытыннылар. Ол курдук «Үрдэл» оскуола оҕолорун, «Түмэн» олохтоох дьаһалта, » Өркөн» оскуола учууталларын хамаандалара сахалыы диктант суруйууга, түргэнник ааҕыыга, доргуччу ааҕыыга күрэхтэстилэр уонна «Өркөн өй» викторина боппуруостарыгар эппиэттээтилэр. Уопсай түмүгүнэн олохтоох дьаһалта «Түмэн» хамаандата кыайыылааҕынан таҕыста. Бу үөрүүлээх күҥҥэ Күндэ хоһооннорун,»Марба» кэпсээнин аахтыбыт, Амма Аччыгыйын айымньытыттан быһа тардан диктант суруйдубут. Викторинаҕа С.А. Новгородов олоҕун уонна үлэтин, сомоҕо домохтор, ат тэрилин туһунан уо.д.а ыйытыктарга эппиэттээтибит, билиибитин хаҥыннардыбыт.