527 Общее количество просмотров,  5 Просмотров сегодня

Ыам ыйын 12 күнүгэр, 1 Малдьаҕар нэһилиэгэр олохтоох библиотекаҕа Александр Уваров- Сата Уолун хоһооннорун ааҕыыга бастакы күөн- күрэс буолан ааста. Тэрийээччилэринэн буолаллар: олохтоох библиотека, “Айар кытыл” литературнай түмсүү, Уваровтар дьиэ кэргэттэрэ. Күөн- күрэс сыала: биир дойдулаахпыт Александр Уваров- Сата Уолун хоһооннорун киэҥ эйгэҕэ таһаарыы, сахалыы саҥаны сайыннарыы, төрөөбүт дойдуга, төрүт тылга тапталы иҥэрии. Хоһоон ааҕааччылар икки бөлөҕүнэн кытыннылар: оҕолор (7,8,10 кыл.) уонна улахан дьон. Оҕолорго 1 м.- Лаврентьев Аял, 10 кыл, 2 м.- Данилов Айаал, 10 кыл, 3 м.- Иванова Юля 8 кыл, 3 м.- Алексеев Дархан, 7 кыл. ыллылар. Библиотека туруорбут “Кэскиллээх ааҕааччы” анал аатын Данилов Айаал ылла уонна “Книжный маркет” маҕаһыын сертификата туттарылынна. Уваровтар дьиэ кэргэттэрин аатыттан “Кэскиллээх ааҕааччы” анал аат ылла Лаврентьев Аял уонна “Спортмастер” маҕаһыын сертификата туттарылынна. Улахан дьоҥҥо 1 м.- “Айылгы” фольклорнай ансамбль «Ильмень күөлүгэр», 2 м.- Павлова Александра Алексеевна «Дьылҕаны кыайбыттарга», 2 м.- Рыгунова Зинаида Федоровна “Оһох тыаһа”, 3 м.- Петрова Антонина Николаевна “Айылҕам кэрэҕин”. Олохтоох библиотека аатыттан “ Бастыҥ бөлөҕүнэн ааҕыы” анал аат туттарылынна “Айылгы” фольклорнай ансамбльга. Уваровтар дьиэ кэргэттэрин аатыттан “Аҕам саастаах ааҕааччы” анал аат туттарылынна Петрова Антонина Николаевнаҕа.
Ону таһынан миэстэлэспит дьоммутугар Александр Михайлович саҥа тахсыбыт “ Кырдьар сааһым аргыстара” диэн кинигэтин бэлэх туттарда. Бу маннык олохтоох дьоммут хоһооннорун ааҕыыта киэн эйгэҕэ таһаарыы бастакы холонуубут. Дьоммут олус сэргээтилэр, астыннылар. Кыттыыны ылбыт дьоммутугар улахан махталбытын тириэрдэбит, өссө да, маннык күөн- күрэс буоллаҕына кыттыыны ылыахтара диэн эрэнэбит.
Олохтоох библиотека салайааччыта Анисия Дьяконова.