327 Общее количество просмотров,  1 Просмотров сегодня

Бүгүн, ахсынньы 16 күнүгэр, Улахан Аан олохтоох бибилэтиэкэтигэр, “Айар кут” түмсүү “Айар кут ыллыгынан” хоһооннорун хомуурунньугун 2-с чааһын сүрэхтэниитэ буолла. Хомуурунньук “Долун” типографияҕа 30 экземплярынан таҕыста. Кинигэни Пудова Татьяна Егоровна хомуйан таһааттарда. Уопсайа 15 айар куттаах биир дойдулаахтарбыт  үстүү хоһоонноро  уонна  Егор Федоров-Долун “Сайыына кыыс” диэн кэпсээнэ киирдилэр. Саҥа буруолуу сылдьар хомуурунньуктары ааптардарга Черемкина Римма Александровна үөрүүлээх быһыыга-майгыга туттартаата. Хас биирдии ааптар бэйэтин хоһоонун ааҕан иһитиннэрдэ. Түмсүү кыттыылаахтарын эҕэрдэлээн туран, минньигэс туордунан күндүлээтибит. Итии чэйдээх остуол тула ирэ-хоро кэпсэтэн, санаа атастаһан, инникини былааннаан туран “Айар кут ыллыгынан” хоһоон хомуурунньуга сүрэхтэннэ.

Поделиться: