1,804 Общее количество просмотров,  1 Просмотров сегодня

Хаһыат саһарбыт страницалара история быыһын сэгэтэр архивнай матырыйаалга тэҥнээх. Элбэҕи билэбит, чахчылары булабыт.
Саха сиригэр үбүлүөйдээх 2022 сылы Ил Дархан Айсен Николаев Ийэ сылынан биллэрбитэ.
Маны кытта Саха АССР төрүттэммитэ 100 сылынан, бу сылга Саха сиригэр төрөөбүт хас биирдии оҕоҕо «Дети столетия» сыаллаах капитал оҥоһуллан, 100-түү тыһыынча солкуобай көрүллэрин туһунан уураах таһаарбыта.
Оннооҕор уоттаах сэрии сылларыгар, ыарахан кэмнэргэ Ийэҕэ истиҥ сыһыан, ытыктабыл, махтал, сүгүрүйүү баара.
Манна, эһиэхэ анаан, араас сылларга хаһыакка тахсыбыт бэлиэтээһиннэри таһаарабыт. Ол курдук, ССР Союһун Верховнай Советын Президиумун сэрии кэминээҕи ыйаахтарыгар олоҕуран элбэх оҕону төрөппүт ийэлэри «Ийэ Албан аата» орденнарынан уонна «Ийэ медала» медалларынан наҕараадалааһын, ону таһынан элбэх оҕолоохторго пособие анааһын туһунан хаһыат бэлиэтээһиннэрин көрүҥ.