Соргу дугуй!!! Олонхо кунунэн!!!

 29 Общее количество просмотров,  1 Просмотров сегодня

Сидорова Акулина Михайловна, 1928с. муус устар 5 күнүгэр Хаҥалас оройуонун 2-с Дьөппөн нэhилиэгэр Күөл Онно диэн сиргэ төрөөбүтэ. Аҕата Сидоров Михаил Дмитриевич колхозтаах, Аҕа дойду Улуу сэриитин 1941-1945 сс. Медаллаах стахановец этэ. Ийэтэ, Сидорова Татьяна Андреевна колхоз араас үлэтигэр үлэлээбитэ. Улуустааҕы народнай суукка хас да төгүл сэтээтэлинэн талыллан үлэлээбитэ.
Акулина Михайловна 1936 с. 2-Дьөппөн начальнай оскуолатыгар киирэн үөрэммитэ. Ол онно художественнай самодеятельноска үлүһүйбүтэ. Ырыаны, үҥкүүнү кэрэхсиир буолбута. Оскуолаҕа кини талаанын көрөн музыкальнай студияҕа киир диэн сүбэлээбиттэрэ. 1943 с. 7 кылааһы бүтэрэн баран кулуһун курдук чороччу улаатан эрэр, ис киирбэх сирэйдээх-харахтаах, хатыҥыр, маҥан кыыс Музыкальнай театр-студияҕа үөрэнэ киирбитэ. Онно ылыллыбыт оҕолор бары да А5а дойду сэриитин кэминээҕи куурбут-хаппыт, кып-кыра, кубарыспыт оҕолор этилэр. Олор быыстарыгар Акулина уҥуоҕунан барыларыттан чорбойор уонна көрсүө баҕайытык саһарчы көрбүт кыыс оҕо этэ. Ол оҕобут, арай эмискэ, 1947 с. опера Туйаарыматын ыллыыр буолбут үһү диэн сураҕы киһи барыта олус соһуйа, үөрэ истибитэ. Акулина Михайловна Туйаарыма Куота куолаһа ырааһа, ырыата хоп курдуга, көстөр дьүһүнэ, эдэрэ, уҥуоҕа көнөтө, бэйэтэ үчүгэйэ кимтэн да сонуннук көстүбүтэ. Акулина Михайловна эдэригэр, ыгымыгар тэптэрэн 1948 с. бэйэтин баҕатынан баран хаалбатаҕа буоллар кэллэктиибигэр үөрэммит, үлэтин таптаабыт уонна театрын олоҕун сөбүлээбит буолуох этэ.
1948с. от ыйын 20 күнүгэр сельскай кулууп иhинээҕи библиотекаҕа 2-Дьөппөҥҥө библиотекарынан үлэлии киирбитэ. Кулууп сэбиэдиссэйинэн Аҕа дойду сэриититтэн эргиллэн кэлбит сэрии ветерана Слава орден кавалера Федоров Яков Егорович үлэлээбитэ. Оччолорго кулууп дьиэтэ суох этэ. Таҥара дьиэтин сэрии бириэмэтигэр бурдук кутар склад, хойукка дылы колхоз эт угар склад оҥостубута. Ону Акулина Михайловна, Яков Егоровичтыын иккиэйэҕин үрдүн сууйан, ыраастаан кулууп оҥостубуттара. Яков Егорович олус үлэhит, талааннаах киhи этэ. Кэлин бу кулууп базовай кулууп буолбута. Культ просвет практикаҕа оҕолору ыытар буолбута.

Поделиться:

Добавить комментарий

Ваш адрес email не будет опубликован. Обязательные поля помечены *

WordPress Lessons
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности