РУБРИКА #блиц_интервью_хангаласскаямцбс

 407 Общее количество просмотров,  2 Просмотров сегодня

Анна Егоровна Варламова -Айысхаана — Россия Суруйааччыларын уонна Суруналыыстарын союҺун чилиэнэ, СР үөрэҕириитин туйгуна, СР культуратын үтүөлээх үлэҺитэ. Орджоникидзевскай оройуон Нөөрүктээйи нэҺилиэгэр 1952 с. тохсунньу 2 күнүгэр төрөөбүтэ. Быйыл кини 70 сааһын туолар үбүлүөйдээх сыла.
Ытыктабыллаах Анна Егоровна! Айар талааныҥ инникитин даҕаны арыллан, суруйар дьоҕуруҥ уһуктан истин!

1️⃣Эн учуутал идэлээх буолаҥҥын оскуола, үөрэнээччилэр темаларын айымньыларгар таарыйаҕын, айымньыҥ тематын хайдах талаҕыный?
✅Ханнык баҕар суруйааччы билэр эйгэтин суруйара ордук буоллаҕа. Холобур научнай эргимтэ, промышленность, медицина о.д.а. эйгэлэртэн олох ыраах киһи буоллаҕым. Тематын таларга урут кэпсэммити хатылаабат курдук үлэлии сатаабытым.
2️⃣Бастакы айымньыгын төһө өр суруйбуккунуй?
✅Бастакы айымньым диэни икки түһүмэххэ араарабын. Бастакыта, оҕо сылдьан Дьөппөн санаторнай оскуолатыгар алтыс кылааска “ Туругурдун эйэ!” диэн хоһоон этэ. Үлэһит буолан баран, отус биэспэр « Хахсаат тыал» диэн сэһэни суруйан Семен Данилов 70 сылыгар аналлаах Горнай улууһугар ыытыллыбыт литературнай куонкуруска кыттан бастаабытым.
Бастакы обургу айымньым 1995 с. бэчээттэммит « Хахсаат тыал» сэһэн биир кыһыннаах саас суруллубута. “ Сүлүһүннээх иннэ» баар матырыйаалы батыһыннаран суруйбут буолан олус уһун бириэмэни ылбатаҕа. Чэ, арааһа, сыл кэриҥэ буолуо. Онтон икки кинигэлээх « Үргүөрдээх кэм үнүгэстэрэ» ромаммар олоҕум уонтан тахса сылын анаабытым. Сиэннэрим улааппыттарын өйдөөбөккө да хаалбытым. Бииргэ алтыһан ааспыт « Кэскиллэрбиттэн» оҕолорун ыйытарбар: « Хаһыс кылаас буолла?» — диэн соһуталыыбын. “ Номнуо устудьуон ээ, ол уолуҥ» — диэн буолар.

Салҕыытын карусельга ааҕын ⏩⏩⏩

#хангаласскийулус
#библиотекановогопоколения
#хангаласскаямцбс
#модельнаябиблиотека
#блиц_интервью_хангаласскаямцбс

Поделиться:

Добавить комментарий

Ваш адрес email не будет опубликован. Обязательные поля помечены *

WordPress Lessons
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности