Оҕону ааҕыыга уһуйар “Сайдыс ” куруһуок.

 116 Общее количество просмотров,  5 Просмотров сегодня

Оҕо хайдах үөрэхтээх, чөл куттаах, билиигэ баҕалаах киһи буола улаатара ааҕарга тапталы, интэриэһи иитииттэн улахан тутулуктаах. Ол үлэтин оҕо оскуолаҕа кэллэҕинэ саҕалыыра арыый хойутааһын буолар. Бастакы уочарат дьиэ кэргэҥҥэ ааҕаллара үтүө холобур буолар.

“Сатаан ааҕар” диэн өйдөбүлэ сүрдээх киэҥ. Сүһүөхтэн тылы таһаарыыттан саҕалаан, тиэкиһи ааҕыы эрэ буолбакка, геройу, түгэни ойуулаан көрөн чугас ылыныы, өйдөөн ааҕыы буолар.

Ол иһин оҕо сөбүлээн, интэриэһиргээн ааҕар усулуобуйатын тэрийиэхтээхпит.

Билиҥҥи оҕо аныгы олох тэтимин сөпкө туһанан, араас телефон, компьютер оонньуутугар ыллаттарбакка сөпкө сайдыахтаах, өбүгэ үгэстэрин билиэхтээх, олоххо туһаныахтаах. Ол  сыалтан, оскуолаҕа төрүт култуура, саха тыла, литература чааһа аҕыйаабытынан, библиотека кылаас таһынааҕы уруогунан ситэрэр,көмөлөһөр.

Мантан сиэттэрэн, 2-Дьөппөн модельнай библиотеката алын сүһүөх кылаас үөрэнээчнчилэригэр “Сайдыс ”диэн ааҕыы куруһуогун үлэлэтэн саҕалаата. Куруһуок «Өбүгэ үгэстэригэр олоҕуран иитэр үлэни сүрүннээһин» 2- Дьөппөн орто оскуолата уонна олохтоох модельнай библиотека программатыгар олоҕуран ыытыллар.  Ааҕыыга араас ньымалары туһанабыт,оҕо ааҕар дьоҕурун сайыннарыыга төрөппүттэргэ көмө оҥоробут.

Уруокка ааҕыы араас ньымаларын туһанан интэриэһинэй форманан ыытыахха сөп: оонньуу-уруок, викторина-уруок, айан-уруок уо.д.а. аахпыппытын чиҥэтэн мультиктары, айымньыларынан киинэлэри көрөбүт, уруһуйдуубут, сынньалаҥҥа оонньуубут, таабырынтан саҕалаан остуоруйаҕа тиийэ норуот тылынан уус-уран айымньыларын ааҕыахпыт, өбүгэ оонньууларын оонньуохпут. Оҕо интэриэһиргээн аахтаҕына айымньы ис хоһоонун толору өйдүүр, оҕо аахпытын кэннэ айымньы ис хоһоонун илдьиритэһэбит, үөрэнээччи ыйытыыларга хоруйдуур.  Хас биирдии үөрэнээччигэ ааҕар дневниктаах, онно уруок тиэмэтэ, айымньы аата, айымньы ис хоһооно, сүрүн геройдара уонна оҕо айымньыны ааҕан баран бэйэтин санаатын, тугу өйдөөбүтүн бэлиэтэнэр, дьиэтигэр төрөппүттэрин кытта ааҕарга кинигэ уларсан барар. Уларсар кинигэтин эрдэттэн булан, оҕоҕо сүбэлээн биэрэбит.  Быйылгы үөрэх дьылыгар библиотека иһинэн «Дьиэ кэргэнинэн аа5ыы” бырайыакка олоҕуран, ыалынан ааҕыыны көҕүлээн, библиотеканы кытта утумнаах үлэни тэрийииэхпит. Сыл түмүгүнэн оҕо төһө кинингэни аахпытын, ааҕыыга төһө эбиллибитин мониторинг (анализ, түмүк) оҥоруохпут.

 Маны таһынан оскуола, уһуйаан оҕолоругар передвижка диэн үлэлиир, кинигэ илдьэн биэрэбит, бу, оҕо кылаас таһынан, сынньалаҥҥа ааҕарыгар уонна  учууталга, төрөппүккэ көмө буолар, ааҕарга  уһуйар.

Ньургуйаана Лебедева

Күөрдэм.

Поделиться:

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

WordPress Lessons
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности