Оҕону ааҕыыга уһуйуу

 87 Общее количество просмотров,  1 Просмотров сегодня

Оҕо хайдах үөрэхтээх, билиигэ баҕалаах киһи буола улаатара хас биирдии төрөппүтү улаханнык толкуйдатар. Кинигэ5э тапталы, интэриэһи иитиини оҕо оскуолаҕа эрэ кэллэҕинэ саҕалыыр арыый хойутааһын буолар.
“Сатаан ааҕар” диэн өйдөбүл олус киэҥ. Сһүөхтэн тылы таһаарыыттан саҕалаан, тиэкиһи ааҕыы эрэ буолбакка, геройу, түгэни ойуулаан көрөн чугастык ылынан, өйдөөн ааҕара буолар. Ол хаһан да судургутук, түргэнник туолбат. Алын кылаастарга хас биирдии оҕону өйдөөн ааҕарга үөрэтии биир сытыы кыһалҕа буолар.
Ол инниттэн хас биирдии төрөппүт оҕо сөбүлээн, интэриэһиргээн ааҕар усулуобуйатын тэрийиэхтээх.
Бу телевидение, радио, Интернет баһылыыр кэмигэр, оҕо тус бэйэтин билиитин байытынар, тулалыыр эйгэни сөпкө сыаналыыр, элбэ5и билэрин туһугар кинигэни ааҕыыга интэриэһин үрдэтиэхтээхпит. Ол сыалтан оскуолаҕа эрэ буолбакка, дьиэ кэргэҥҥэ эмиэ кинигэни таптаан ааҕарыгар үөрэтиэхтээхпит.
Бастакы уочарат дьиэ кэргэҥҥэ ийэ-аҕа, эбээ-эһээ, эдьиий-убай ааҕаллара үтүө холобур буолар.
Элбэхтик кинигэни ааҕар оҕо тыла-өһө баай, билэрэ-көрөрө киэҥ, үөрэҕэр ситиһиилээх буолар. Айар, чинчийэр үлэнэн дьарыктанар түгэнигэр, кинигэттэн ылбыт билиитэ уонна кинигэннэн сатаан үлэлиирэ улахан көмө буолар.
Үчүгэй кинигэ – истиҥ иитээччи, үөрэтээччи, чугас доҕор буоларын өйдөтүөхтээхпит.
Күндү төрөппүттэр !
Эһиги оҕолоргут маҥнайгы кылааһы бүтэрэн, ааҕа – суруйа үөрэннилэр. Өктөмнөөҕү библиотека алын кылаас оҕолоругар сөптөөх кинигэлэри эһиэхэ ааҕаргытыгар сүбэлиир.
#хангаласскийулус
#о5олорго
#ааҕарбалаҕан
#кинигэ
#оскуолао5олоро
#библиотекарь

Поделиться:

Добавить комментарий

Ваш адрес email не будет опубликован. Обязательные поля помечены *

WordPress Lessons
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности