1,555 Общее количество просмотров,  3 Просмотров сегодня

Кулун тутар 17 күнүгэр Уулаах Аан оскуолатын музейыгар, сахалартан биир бастакынан Дьэр Куудугуттан ыраахтааҕы Федор Алексеевич Романовы кытта иккитэ көрсүбүт Дыгын сиэнэ Маһары Баһыакапка аналлаах төгүрүк остуол буолла.
Кытыннылар Ил Түмэн депутата Д.Семенов, Улуус депутаттарын Сэбиэтин бэрэссэдээтэлин солбуйаачччыта Б. Протодьяконов, историческай наука доктора А.Борисов, биллиилээх кинорежиссер Н.Аржаков, суруйааччы У.Захаров, кыраайы үөрэтээччилэр Р.Федорова уонна П.Ноговицын, Нөмүгү нэһилиэгин делегацията, нэһилиэк общественноһа уонна Уулаах Аан оскуолатын учууталлара.
Төгүрүк остуолу Дьэр нэһилиэгин баһылыга Е.Исаков салайан ыытта. Оскуола музейын салайааччыта В.Спиридонов «Үс сэргэ» аһаҕас халлаан анныгар тэриллэр музей туһунан информация оҥордо.
Маһары Баһыакап аатын үйэтитиигэ кинигэ суруйарга, киинэ устарга этиилэр киирдилэр.