1,330 Общее количество просмотров,  1 Просмотров сегодня

        2015 Литература сылыгар былааннаммыт үлэлэр тиһигин быспакка бара тураллар. Ол курдук, улуустааҕы библиотека уонна айар талааннаах биир дойдулаахтарбыт хомуллан Тиит-Арыы, Чкалов хайысханан «Литературнай круиз» диэн үлэни билиһиннэрэ, инники үлэҕэ нэһилиэк талааннаах дьоннорун түмэ бу айаҥҥа сырыттыбыт. Бу күн, нэһилиэк олохтоохторун кытта көрсүһүүгэ улуустааҕы библиотека иһинэн үлэлиир «Өлүөнэ долгуннара» литературнай түмсүү үлэтин -хамнаһын билиһиннэрдэ, улуус айар талааннаах суруйар автордар кинигэлэрин обзора буолла. Айылҕабыт кэрэ көстүүлэрин хаартыскаҕа түһэрэн «Фото+» кулууп быыстапката турда.  
   
       Ол кэннэ, Тимофеева Раиса Николаевна диэн Тиит –Арыыттан төрүттээх, хоһоон суруйар биир дойдулаахтарын «Айылҕа алгыһынан» диэн маҥнайгы кинигэтин сүрэхтэниитэ буолла. Төрөөбүт дойдуга үктэнэн алгыс, ыраастаныы сиэрэ -туома ытылынна. Бу кинигэҕэ дойдуга таптал, айылҕалыын алтыһыы курдук истиҥ –иһирэх хоһооннор киирбиттэр. Кинигэни ырытыһан, ааҕан, өссө да инники айар үлэтигэр ситиһиилэри баҕардылар, эҕэрдэлээн ырыа, үҥкүү, хоһоон аахтылар. Кэлбит дьон кинигэҕэ сыстаҕас, ааҕар, суруйар буоллахха элбэҕи билэн –көрөн, бэйэлэригэр  туһалааҕы ылалларын эттилэр, улууска тахсар саҥа кинигэлэри, сурунааллары атыылаһан, санаа үллэстэн, үөрэн –көтөн тарҕастылар.

Ф.Варламова
 
 
 
 
 
 
 
 
 
 
 
 
 
 
 
Поделиться: