1,396 Общее количество просмотров,  5 Просмотров сегодня

1 Малдьаҕар нэһилиэгэр, бэс ыйын 10 күнүгэр, Арчы дьиэтигэр Борисов Афанасий Дмитриевич- Экэнэмиис Бэрииһэп 100 сааһыгар аналлаах УЛУУ КИҺИБИТ УМНУУГА ХААЛБАТЫН диэн кинигэ сүрэхтэниитэ буолла.
Хаҥалас улууһун II Маалтааныттан төрүттээх, экэнэмиис идэлээх Афанасий Дмитриевич Борисов Саха сирин олохтоохторугар хотугу чэпчэтиилэри сокуонунан бигэргэппит уһулуччу үтүөлээх кибибит. Кини бу боппуруоһунан государство бастакы салайааччыларыттан саҕалаан, Сэбиэскэй Союз туһааннаах министерстволарыгар, тэрилтэлэригэр барыларыгар суруйбута, уонтан тахса сыл өһөстүк ирдэбиллээхтик туруорсубута. 1960 сыллаахха ССРС Верховнай Сэбиэтин бэһис сессията Уһук Хотугу сир уонна онно тэҥнэниллэр сир олохтоохторугар туһуламмыт чэпчэтиилэри бэрээдэктээһин туһунан таһаарбыт ыйааҕы бигэргэппитэ. Бу ыйаах 1960 сыллаахха улэҕэ киирбитэ. Ыйаах быһыытынан Уһук Хотугу сир олохтоохторугар барыларыгар: хамнаска эбии ааҕыылар, уоппускаҕа эбии күннэр, пособияларга эбии төлөбүрдэр уонна үс сылга биирдэ босхо айан олохтоммуттара. Бу саха дьонун социальнай көмүскэлигэр улахан ситиһии этэ.
Афанасий Дмитриевич Борисов курдук, үтүөнү оҥорбут боростуой дьон аата ааттаныахтаах, үйэлэргэ хаалан, холобур буолуохтаах. 2021 сыллаахха олорбут дьиэтигэр Мемориальнай доска ыйаммыта уонна сылын- аайы ыытыллар Республиканскай “ Борисовскай ааҕыы” саҕаламммыта.
Киниэхэ анаммыт махтал тыллар, амарах- ахтыылар ханнык баҕарар ааҕааччы сүрэҕин сылаас тыынынан угуттаатыннар, иһирэх иэйиини иҥэрдиннэр.
УЛУУ КИҺИБИТ УМНУУГА ХААЛБАТЫН диэн кинигэ ааптардарыгар Маргарита Ильинична Борисоваҕа, Наталья Петровна Герасимоваҕа Барҕа махталбытын тириэрдэбит.