«Күөрдэм Үрүҥ тунах үбүлүөйдээх ыһыаҕар «Материнская слава Хангаласского улуса» Хаҥалас улууһун элбэх оҕолоох ийэлэрин туһунан кинигэ сүрэхтэннэ»👏🏻👏🏻👏🏻🌿🌸🌿🌺🌿📚📚📚

 180 Общее количество просмотров,  2 Просмотров сегодня

Ил Дархаммыт Айсен Николаев быйылгы 2022 сылы өрөспүүбүлүкэҕэ Ийэ сылын биллэрэригэр, хас биирдии киһи олоҕор дьахтар уонна ийэ буолуу ураты оруоллааҕын бэлиэтээн маннык эппитэ: «Хас биирдии киһи ийэттэн төрүүр. Уопсастыба инники дьылҕата ийэ оҕотун хайдах иитэн-үөрэтэн таһаарарыттан тутулуктаах. Ийэлэр оҕолорун тапталга уонна кыһамньыга ииттэхтэринэ, оҕо дойдутугар итэҕэллээх инникитигэр эрэллээх буолар. Онон ийэ суолтатын үрдэтэр, тустаах болҕомтону уурар сыалтан 2022 сылы ийэ сылынан биллэрдим”.
Бэс ыйын 21 күнүгэр, Үрүҥ тунах үбүлүөйдээх ыһыаҕар быйыл 2022 сыллаахха тахсыбыт, саҥа буруолуу сылдьар «Материнская слава Хангаласского улуса» диэн Хаҥалас улууһун элбэх оҕолоох ийэлэрин туһунан кинигэ сүрэхтэннэ.

“Материнская слава Хангаласского улуса” кинигэ улуус култуураҕа уонна духуобунай сайдыыга салалтатын салайааччыта, «Ил Эйгэ» улуус дьахталларын Сэбиэтин бэрэссэдээтэлэ Варламова Фекла Романовна проегынан уонна салайыытынан күн сирин көрдө. Кинигэҕэ улуус элбэх оҕолоох ийэлэрэ киирдилэр. Ийэлэр тустарынан матырыйааллары улуустааҕы кииннэммит библиотечнай ситим филиалларын бибилэтиэкэрдэрэ, биһиги нэһилиэктэн «Самартай” музей, “Ситим” култуура үлэһиттэрэ, оскуола библиотеката, олохтоох дьаһалта специалистара хомуйдулар. Кинигэ 350 ахсаанынан таҕыста, өссө эбии үбүлэнэн тахсаары турар.
1944 сыллаахха Сэбиэскэй Союз Үрдүкү Сэбиэтин Президиумун уурааҕынан «Герой Ийэ» ытык аат, «Ийэ албан аата» 1-кы, 2-с, 3-с истиэпэннээх уордьаннар уонна 1-кы, 2-с истиэпэннээх Ийэ мэтээлэ олохтоммуттара. “Герой ийэ”- үрдүк аат Ийэҕэ ытыктабыл, Ийэҕэ таптал, Ийэҕэ билинии бэлиэтэ. Саха сириттэн “Герой Ийэ” ытык ааты 1945 сыллаахха аан бастакынан Уулаах Аан нэһилиэгиттэн 12 оҕолоох Припузова Александра Степановна онтон Күөрдэмтэн бастакынан 1973 сыллаахха атырдьах ыйын 6 күнүнгэр 10 оҕолоох Соловьева Раиса Алексеевна ылбыттара.
Элбэх оҕолоох ытык ийэлэрбитигэр сүгүгүрүйэн туран бэлиэтиэхпин баҕарабын Соловьева Раиса Алексеевнаны, Спиридонова Степанида Семеновнаны, Борисова Екатерина Николаевнаны, бу кинигэҕэ нэһилиэкпит герой ийэлэрэ уонна элбэх оҕолоох күн күбэй ийэлэрбит киирдилэр.

Ити курдук биһиэхэ олох диэн саамай күндү баайы бэлэхтиир күн күбэй ийэлэргэ таптал, махтал истиҥ-кэрэ тыллара куруутун анана турдуннар! Саха норуотун тускулун туһугар элбэх оҕолоох ийэлэр элбээн истиннэр.

Поделиться:

Добавить комментарий

Ваш адрес email не будет опубликован.

WordPress Lessons
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности