1,640 Общее количество просмотров,  1 Просмотров сегодня

​​ Улуу эбэ уҥа кытылыгар сандаарыйа киэркэйэ сытар, Самыртай сыһыытын хабыллар хаба ортотугар кэрэ көстүүлээх, баай историялаах II-cДьөппөн нэһилиэгэр, тупсаҕай аныгылыы тутуулаах «Илин Эҥэр” туристическай база арылынна. Саха сиригэр Хаҥалас улууһа кэрэ-бэлиэ, ытык-мааны эриэккэс айылҕалааҕынан биллэр, дьон хараҕа хайҕыы көрөр кэрэ көстүүлээх Күрүлүүр- Туруук Хайа- Булуус хайысхатыгар, Бүүтэҥэ үрэх үрдүгэр, аан аартыгар саҥалыы, аныгылыы тутуулаах, ураты көстүүлээх дьон сынньанар дьиэтэ тутулунна. «Илин Эҥэр” суол кытыытыгар тайаан сытар буолан транспорт бары көрүҥэ тиийиэн сөп, сылы эргиччи кыһыннары сайыннары үлэлиэҕэ, дьиэҕэ сынньалаҥҥа наадалаах тэрил барыта баар буолан дьон сэҥээритин ылла, аныгы үйэҕэ, туризм сайдыытыгар саҥа кэрдиискэ тахсарга былааннара — соруктара өссө да элбэх, сиһилии инстаграм @turbaza_ilin_ener киирэн бисиэххитин сөп.
Туристическай базаны Күөрдэм олохтоохторо Ольга Афанасьевна, Андрей Дмитриевич Скрябиннар Уһук илин гектарынан ылан арыйдылар, саҥа тутуу дьон сэҥээриитин ылан, үөрэ-көтө ыалдьыттарын, сынньалаҥҥытын туһалаахтык, умнуллубаттык атаараргытыгар ыҥырар.

Ньургуаана Лебедева, Күөрдэм.

Поделиться: