1,538 Общее количество просмотров,  1 Просмотров сегодня

      Өрөспүүбүлүкэ баһылыга Айсен Сергеевич Николаев 2019 сылы Сомоҕолоһуу – түмсүү, биир ньыгыл буолуу — сылынан биллэрбитэ.

     2019 сыл Хаҥалас улууһугар — сахалартан бастакы Дьаһааҕы тэрийэр хамыыһыйа депутата, судаарыстыбаннай деятель, Хаҥалас улууһун бастакы аҕа баһылыга Софрон Сыранов төрөөбүтэ 300 сылын бэлиэтиир уонна ытык сирдэрин харыстыыр, араҥаччылыыр дьаһалларын ылыныы сылынан биллэрилиннэ!

    Олунньу ый 22 күнүгэр, библиотекардар көҕүлээһиннэринэн Өктөм нэһилиэгэр, М.Е. Николаев архыып библиотекатыгар Сомоҕолоһуу сылыгар анаан, Эркээни хочотун  баһылыктарыгар уонна депутаттарыгар “Символы рожденные временем” Брейнг – ринг  күрэс үрдүк таһымнаахтык буолан ааста. Брейн рингы иилээн саҕалаан ыытта Харлампьева Светлана Валерьевна.

       Күрэххэ кыттыыыны ыллыллар Төхтүр, Өктөм, Уулаах Аан, Нөмүгү нэһилиэктэрин депутаттара уонна баһылыктара.  Күрэс өрө көтөҕүллүүлээхтик Саха өрөспүүбүлүкэтин Өрөгөй ырыатынан арылынна.

    Хаҥалас улууһун депутаттарын сэбиэтин бэрэссэдээтэлэ  А. П. Антонов, “Хаҥалас улууһа” муниципальнай оройуон культураҕа уонна духуобунай сайдыыга управлениятын салайааччыта С. В. Громова уонна М.Е. Николаев архыып библиотекатын сэбиэдиссэйэ Н. П. Капитонова күрэс кыттыылаахтарын үөрүүлээх быһыыга – майгыга эҕэрдэлээтилэр. Күрэс кыыттыылаахтара жеребьевканан биэс хамаандаҕа арахсан күөн көрүстүлэр. Баһылыктар туспа биир хамаанда буолбуттара  оонньууну сүрдээх тыҥааһыннаах, өрө көтөҕүллүүлээх оҥордо.

      Күрэһи «Күбэйэ» дьахталлар түмсүүлэрин салайааччыта С.Р. Харлампьева иилээн – саҕалаан ыытта. Дьүүллүүр сүбэ Р. Р. Платонова, С. В. Громова, Н. П. Капитонова биир санаанан кыайыылаахтары быһаардылар.

        Түмүккэ библиотека үлэһиттэрэ сомоҕолоһуу тордунан күрэс кыттыылаахтарын, ыалдьыттары күндүлээтилэр. Уулаах Аан нэһилиэгин олохтооҕо, сыана бэтэрээнэ, Т.П. Слепцова кэрэ куолаһынан тэрээһини киэргэттэ. “Хаҥалас улууһа” муниципальнай оройуон культураҕа уонна духуобунай сайдыыга управлениятын салайааччыта С. В. Громова тэрээһини тэрийбит коллегаларыгар Павлова М.Е. (Өктөм), Никитина С.Е. (Чапаев), Герасимова Е.М. (Төхтүр) библиотекаларын үлэһиттэригэр, нэһилиэктэр баһылыктарыгар махталын тиэртэ уонна кэлэр өттүгэр бу проегы кэҥэтэргэ, улуус таһымыгар таһаарарга баҕа санаатын эттэ. Өктөм нэһилиэгин бочуоттаах олохтооҕо, бэтэрээн – библиотекарь З.В. Иванова баһылыктарга уонна депутаттарга үлэлэригэр үрдүк ситиһиилэри баҕарда, инникитин да сомоҕолоһуулаах буолалларыгар ыҥырда.

    Күндү баһылыктар, депутаттар бары күүһү – уоҕу холбоон, төрөөбүт дойдубут туругун, инники сайдар кэскилин түстүөҕүн!

     Тэрийэр бөлөх аатыттан күрэс үрдүк таһымҥа ыытылларыгар күүс – көмө буолбут баһылыктарга, бириистэри туруорбут  Улуустааҕы киин библиотекаҕа, “Хаҥалас улууһа” муниципальнай оройуон культураҕа уонна духуобунай сайдыыга управление салайааччытыгар С.В. Громовога, М.Е. Николаев архыып библиотекатын специалистарыгар, Улаах – Аан, Нөмүгү нэһилиэктэрин библиотекардарыгар, Өктөм нэһилиэгин общественниктарыгар барҕа махталбытын тириэрдэбит.

Тэрийэр бөлөх: Павлова М.Е. Никитина С.Е

Герасимова Е.М.

23.02.2019

Поделиться: