«Ийэ тылбыт этигэн кэрэтэ»

«Ийэ тылбыт этигэн кэрэтэ» диэн улуустаастааҕы К.Г. Скрябина авторскай фестивала хачыкаат орто оскуолатыгар соторутааҕыта буолан ааста. Барыта уонтан тахса улуус оскуолаларыттан 250 тахса оҕо уонна салайааччы кэлэн кыттыыны ыллылар.» Өссө быйыл оҕону таһыыга кэккэ ыарахаттар баар буолан, оҕобут ахсаана аҕыйаата»-диир автор Капитолина Гаврильевна. О5олор  араас көрүҥҥэ күрэс былдьастылар:оһуокай, олоҥхо, уус-уран ааҕыы, сахалыы остуол оонньуулара,театральнай инсценировка,саха тылынан дебат уо.д.а.

Оскуола кэлэктиибэ (директор Федорова Г.Г.) бэрт үчүгэйдик тэрийбиттэр диэн экспертэр сыаналаатыбыт. Мин, Скрябина Н.Ф.үс көрүҥҥэ жюри састаабыгар киирэн дьүүллэстим. Мин санаабар, сыл аайы оҕолор бэлэмнэрэ тупсан иһэр. Сахалыы таҥаһы сайбаччы кэппит кыргыттар, хомуһуоллаах уолаттар киһи хараҕар тута быраҕыллаллар. Быйыл оһуокай таһаарааччылар күрэстэригэр барыта 13 оҕо кытынна. Бастакы миэстэни ылла Козловская Тоня — 1 Дьөппөн орто оскуолатын 5 кылааһын үөрэнээччитэ(сал. Маркова Н.М.), иккс миэстэ-Егоров Эдик эмиэ ити оскуола  5 кылаас, 3 миэстэни-Толстяков Руслан-3 Малдьаҕар ситэтэ суох орто оскуолатын 6 кыл. уонна Сергеева Таня 1 Дьөппөн санаторнай оскуолатын  8кыл.үөрэнээччилэрэ ыллылар. хас да оҕо араас номинацияҕа тигистилэр. Оҕолор ырыаларын тыллара хомоҕой, куоластарын кылыһахтара аһыллан олус үчүгэйдик эттилэр.

Олоҥхоһуттар быйыл олох аҕыйахтар. Соҕотоҕун «Күн Күндэли бухатыыр»олоҥхону толордо Гермогенов Арчын — Покровскай 2 нүөмэрдээх оскуолатын5 кылааһын үөрэнээччитэ.Бөлөҕүнэн толорууга бары үс бөлөх миэстэлэри маннык үллэһиннилэр: 1 миэстэ-3 Малдьаҕар ситэтэ суох орто оскуолатын бөлөҕө К;ннүк Уурастыырап «Нуоһалдьыма Кугас аттаах Тойон Дьаҕарыма бухатыыр» олоҥхо, 2-с миэстэ — Хоточчу ситэтэ суох орто оскуолатын бөлөҕө «Оҕо бухатыыр»олоҥхо, 3-с миэстэ 1 Дьөппөн орто оскуолатын олоҥхоһуттарын бөлөҕө «Орто дойду олохтоо5о Ордьоос бухатыыр»олоҥхону толорон ыллылар. Мин санаабар, салайааччылар кэлин өттүгэр оҕолор артыыстааһын көрүҥүн кыайа- хото туталларыгар болҕомтолорун уураллара буоллар…

Уус уран ааҕыыга бэрт элбэх оҕо икки бөлөҕүнэн кыттыыны ыллылар.Кыттааччылар П.А. Ойуунускай,А.Е. Кулаковскай-Өксөкүлээх Өлөксөй уонна билиҥҥи кэм бэйээттэрин айымньыларын аахтылар. Манна миэстэлэри ыйбакка эрэ, араас омук оҕолоро саха суруйааччыларын айымньыларын интириэһиргээн аахпыттара кэрэхсэннэ.Сорох оҕолор уу сахалыы хоһоон ааҕан дьүүллүүр сүбэ хайҕалын ыллылар ( Покровскай 2,3 нүөмэрдээх оскуолатын үөрэнээччилэрэ. Салайааччылар Заморщикова Н.Р., Менкярова Е.Р.) Онтон атыттар да бары сахалыы таҥас кэтэн, бэрээдэктэнэн бэрткэ аахтылар. сыһа-халты ханна барыай да, сыл аайы кытта үөрэнэн сайдан -үүнэн иһиэхтэрэ диэн эрэнэ хаалабыт.

Уопсайынан фестиваль бэрт тэрээһиннээхтик ааста.Кыайыылаахтар грамота, махтал сурук уонна кинигэнэн бириис туттулар.Эһиил өссө бэлэмнэнэн кэлиэх буолан тарҕастылар.

Поделиться:

Добавить комментарий

Ваш e-mail не будет опубликован. Обязательные поля помечены *

WordPress Lessons
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности