1,685 Общее количество просмотров,  1 Просмотров сегодня

Бу күннэргэ айылҕаттан айдарыылаах, талааннаах, айар куттаах, хомоҕой хоһооннордоох биир дойдулаахпыт Илья Васильев- Ылдьаа Хоточчу 8-с кинигэтэ бэчээттэнэн таҕыста.
Ааптар «Иэйиим сырдык сыдьаайынан» кинигэтигэр 52 хоһооно икки түһүмэҕинэн киирдэ, «Дьыл кэмнэрэ» аата да этэринии, дьыл араас кэмнэрин хоһуйан суруйбут хоһоонноро, төрөөбүт-үөскээбит, олорор түөлбэ сирин мааны, кэрэ көстүүлээх айылҕатын дьыл араас кэмнэригэр көстүүнү хоһуйбут хоһоонноро.
«Ураты турукка уйдаран» түһүмэххэ олоҕу көрүү түгэнэ, эрэнии, ааспыт кэм ахтылҕана, дьөһөгөй оҕотугар сүгүрүйүү, саҥа күн тахсыытын, таптал, чараҥҥа дьаарбайыы, тула өттүбүтүгэр баары хоһоонунан хоһуйан кинигэтигэр тиһилиннэ.
Кинигэ Дьокуускай куоракка «Дани-Алмас» компания» ХЭТ бэчээттэнэн күн сирин көрдө.
Хомуйан оҥордо- Хоточчу олохтоох библиотекатын үлэһитэ Лира Яндреева, эрэдээктэр П.Н. Кузьмина.
Биһиги, тулабытыгар баар кэрэни, дьиктини өйдөөн көрбөт эбиппит, диэн санаа киирэр Илья Афанасьевич хоһооннорун ааҕан баран.

Поделиться: