“Драматург Степан Ефремов” кинигэ күн сирин көрдө.

 267 Общее количество просмотров,  3 Просмотров сегодня

Алтынньы 7 күнүгэр   Хаҥалас улууһун  чулуу дьонноруттан  биирдэстэрэ,  саха норуотун биллиилээх драматура, Саха Өрөспүүбүлүкэтин искусствотын үтүөлээх деятелэ, учуутала, Хаҥалас улууһун бочуоттаах олохтооҕо Степан Павлович Ефремов аатын уйэтитэр “Драматург Степан Ефремов” диэн кинигэ сүрэхтэниитэ  буолла.Тэрээһини иилээн-саҕалаан улуустааҕы библиотека ыытта.

С.П. Ефремов саха советскай литературатын  драматургия жанрыгар классика буолбут драмалары суруйан хаалларбыта. Кини бастын айымньылара: “Ини-бии”, “Хардыылар”, “Киирик кэргэттэрэ”, “Чуумпу кытыл”, “Лэкиэс”  —   саха театральнай искусствота сайдарыгар бастакы олугу уурбуттара уонна оччолорго театр, тыа кулууптарын сценаларыгар туруоруллар бастыҥ драмалар этилэр. Суруйбут айымньыларыгар кини олорбут олоҕо сэбиэскэй кэм уларытыыларын, революцияны, комсомолу кытта сибээстээҕэ костор.

С.П. Ефремов туһунан тыл эттилэр:

-Саха Өрөспүүбүлүкэтин народнай суруйааччыта, Платон Ойуунускай аатынан государственнай премия лауреата, Хаҥалас улууһун бочуоттаах олохтооҕо  Павел Николаевич – Харитонов – Ойуку.

— Хаҥалас хаьыат редакторын  солбуйааччыта Аммосова Людмила Денисовна.

— Ханалас улууьун дьаьалтатын салайааччыта  Денис Александрович Уваров.

— С. Ефремов аатынан Булгунньахтаах орто оскуолатын дириэктэрин иитэр улэҕэ солбуйааччыта Клавдия Степановна Сергеева .

— Булгунньахтаах орто оскуолатын саха тылын учуутала Анна Павловна Черосова.

Драматург Степан Ефремов туһунан кинигэ бэчээттэнэн тахсарыгар көмөтүн, кини аатын үйэтитиигэ кылаатын  иьин махтал сурук туттарылынна:

— П.Н.Харитоновка, Саха Өрөспүүбүлүкэтин народнай суруйааччытыгар, Ханалас улууьун бочуоттаах олохтооҕор.

— В.А. Свинобоевка, Г.В. Ксенофонтов аатынан кыраайы үөрэтэр музей редакторыгар.

— Антонина Степановна уонна Афанасий Николаевич Дьяконовтарга, суруйааччы төрөппүт кыыһыгар уонна күтүөтүгэр.

Степан Ефремов аатын үйэтитэргэ улууспутугар араас үлэлэр бара тураллар. Кини аатынан Покровскай куорат киин уулуссата, Булгунньахтаахха  орто оскуола, улууска “Ефремовскай ааҕыылар”, сылын ахсын журналистикаҕа бириэмийэ олохтооһуна буолар.

“Ханалас” хаьыат редакцията, бастакы сүьүөх журналистскай тэрилтэтэ, улуустааҕы култуура управленията уонна  суруйаачы өр сылларга олорбут, улэлээбит 1 Малдьаҕар  нэһилиэгин дьаьалтата культура, искусство боппуруостарын  сырдатар журналистарга, общественнай корреспонденнарга  анал бириэмийини уонна бириистэри олохтообуттара

С.Ефремов  драмаларыттан быһа тардан көрдөрдүлэр:

— “Ини –бии” драматыттан быьа тардыы.(Гермогенова Л.Я. аатынан Күөрдэм народнай театр);

— “Куорат кыыьа” драматыттан быьа тардыы.(С.П.Федотов аатынан Нөмүгүтээҕи народнай театр);

— “Кийиит” драматыттан быьа тардыы.(Өктөмнөөҕү народнай театр );

— С.П. Ефремов аатынан Булгунньахтаах орто оскуолатын  11 кылааьын уорэнээччитэ Владимир Корякин толоруутугар  “Ини –бии ” драматыттан  быьа тардыы.   (  видеоролик).

Хаҥалас улууһун культураҕа уонна духуобунай сайдыыга управлениятын салайааччыта Ф.Р.Варламова  народнай театр салайааччыларыгар сертификат туттарда.

Түмүк тылы  Степан Павлович кыыһа, Саха Өрөспүүбүлүкэтин муниципальнай сулууспатын туйгуна, Булгунньахтаах нэһилиэгин бочуоттаах олохтооҕо  Антонина Степановна Дьяконова уонна кини дьиэ кэргэнэ эттилэр.

20-с үйэ биллиилээх драматура, суруйааччы, учуутал Степан Павлович Ефремов аатын үйэтитэр “Драматург Степан Ефремов” диэн кинигэ сурэхтээниитэ уопсай хаартыскаҕа түһүүнэн түмүктэннэ.

 

Т.Свинобоева, улуустааҕы библиотека библиотекаря

Поделиться:

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

WordPress Lessons
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности