1,821 Общее количество просмотров,  5 Просмотров сегодня

Төрөөбүт дойдубут туһунан киэҥник, дириҥник үөрэтэн, урукку, билиҥҥи олоҕу тэҥнээн көрөр, билиҥҥи уонна инники кэлэр олоҕу сибээстиир, сыаналыыр сыалтан, “Бөртөлөр” кинигэ салҕыыта буолан тахсар сурунаалбыт иккис нүөмэрэ таҕыста.

Сурунаалга нэһилиэкпит историята, төрөөбүт түөлбэбит сайдарын туһугар үлэлии-хамсыы сылдьар дьоммут, үбүлүөйдээх биир дойдулаахтарбыт, нэһилиэкпит культурнай, спортивнай олоҕо, урбаанньыттар, саҥа киирбит тутуулар, хомоҕой тыллаах хоһоонньуттарбыт, тыа хаһаайыстыбатын өрө туппут дьоммут, урукку общественнай совет үс сыллаах үлэтин отчета уонна нэһилиэкпит олоҕун, дьонун-сэргэтин туһунан билиһиннэрэр саҥа тахсыбыт кинигэлэр тустарынан сырдатылынна.

“Бөртөлөр” сурунаалы Громова Н.П., Трифонова А.В., Максимова П.И., Мохначевская А.Л. хомуйан таһаардыбыт. Сурунаалга биир дойдулаахпыт Григорьев В.М. хаартыскалара киирдилэр. Улуустааҕы киин бибилэтиэкэ үлэһиттэрэ Курчатова С.Г., Петров М.Н. сурунаал дизайнын оҥорон, бэчээттээн таһаардылар.

Хоһооҥҥо хоһуйуллубут, кэпсээҥҥэ кэпсэниллибит ханна да хатыламмат кэрэ айылҕалаах Улахан Ааммыт сайдар кэскилин туһунан дьэрэкээн хаартыскалардаах, баай ис хоһоонноох сурунаалы ааҕааччы сэҥээриэҕэ диэн эрэнэбит.

Альбина Трифонова, Улахан Аан олохтоох бибилэтиэкэтэ