Конфедералистар хамсааһыннарын 90 сылын көрсө

 174 Общее количество просмотров,  1 Просмотров сегодня

Кулун тутар 23 күнүгэр Чкалов сиригэр,  Павел Васильевич Ксенофонтов төрөөбүт дойдутугар конфедералистар хамсааһыннарын  90 сылыгар аналлаах научнай –практическай конференция буолан ааста.
 
 
Тэрээһин хорсун быһыылаах, бастыҥ дьоммутун кэриэстээн Ксенофонтовтар төрүт сирдэригэр Бүлтэгиргэ, сибэкки дьөрбөтө уурулунна. Манна улуустааҕы культура үлэһиттэрин десана кэлэн кыттыыны ылла.
 
 
 Конференцияҕа П.В.Ксенофонтов аймахтара, кыраайы үөрэтээччилэр, учуонайдар, Тиит-Арыы, Чкалов нэһилиэгин олохтоохторо  кыттыыны ыллылар. Улуустааҕы кииннэммит библиотека “Хас хардыыбыт – барыта история” диэн киэҥ ис хоһонноох кинигэ быыстапкатын тэрийэн, дьон болҕомтотун тарта.
 
Конференция саҕаланыытыгар Ксенофонтов И.В. уола,  Ксенофонтов И.И. төрүттэрин, дьонун-сэргэтин, бииргэ төрөөбүт биэс бырааттарын туһунан сиһилии кэпсээтэ.
Ксенофонтовтар кыыстарын Елена Васильевна сиэнэ, Петрова Р.Г. Василий Никифорович уонна Екатерина Максимовна Ксенофонтовтар  сыдьааннарын билиһиннэрдэ.
Историческай наука кандидата, научнай — гуманитарнай институт үлэһитэ Петров П.П. Өлүөхүмэ улууһун Кээччэ сэл. олохтооҕо, эһэтэ  Пельменев Петр Яковлевич конфедералистарга кыттыбытын кэпсээтэ.
 
 
 
Кыраайы үөрэтээччилэр,   Мэҥэ-Хаҥаластан  Колосов И.С.  Күүстээх Баһыы тустубут сиригэр күрэх тэрийиэххэ диэн этии киллэрдэ.
 
 
Федорова Р.В. Ксенофонтовтар ийэлэрэ Екатерина Максимовна өттүттэн Кириллиннар төрдүлэрин –уустарын билиһиннэрдэ.
 
 
СР национальнай архивын директорын солбуйааччы,  Степанова Н.С. архив материалларыгар  олоҕуран, конфедералистарга аналлаах  хомуурунньук таһаарарга этии киллэрдэ.
РФ суруйааччыларын сойууһун чилиэнэ, саха сирин суруйааччыларын сойууһун бэрэсэдээтэлин  солбуйааччы Андросов Г.Г. конфедералистарга аналлаах ыйынньык таһаарарга, сылдьыбыт сирдэринэн карта оҥорорго  санаатын эттэ.
 
 
РФ сурналыыстарын сойууһун чилиэнэ, биир дойдулаахпыт  Скрябин Е.Е. Дьокуускай куорат уулуссатыгар Ксенофонтовтар ааттарын иҥэрэргэ, Ксенофонтовтар кыргыттара туох дьоҥҥо кэргэн тахсыбыттарын үөрэтэргэ  этии киллэрдэ.
 
 
Мустубут дьон тэрийээччилэргэ, чуолаан Чкалов библиотекатын сэбиэдиссэйигэр Степанова Р.С. улахан махталларын уонна бу  үлэни салҕыы сайыннаран, тэнитэн иһэллэригэр баҕа санааларын эттилэр. Кэлбит дьон сүргэтэ көтөҕүллэн, үөрэн тарҕастылар.
 
Маргарита Дмитриевна Семенова, библиотекарь читального зала
Поделиться:

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

WordPress Lessons
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности