1,547 Общее количество просмотров,  3 Просмотров сегодня

 

“Кинигэни ааҕар киһи билиилээх, билиилээх киһи сайдыылаах,      сайдыылаах киһи ситиһиилээх”

Бу  үүммүт  2015  сылы  Россия  Президенэ  Путин  В. В.  Ыйааҕынан  дойду  үрдүнэн  Литература  сылынан  биллэрилиннэ.

Литература  сылыгар  үлэ  былаанын  сүрүн  хайысхатынан  нэьилиэнньэни  оҕотуттан  кырдьаҕаһыгар  тиийэ  кинигэни  ааҕыыга  уһуйууну  күүьүрдүү,  аа5ааччыны  хабан  о5ону,  ыччаты  кинигэни  аа5ыыга  сыһыарыы  сүрүн  соругунан  буолар.  Кырдьыга да,  билиҥҥи  кэмҥэ  уус – уран  айымньыны  ааҕыы  мөлтөөтө.  Үксүбүт  Интернет  сонунунан,  *ватсап*  сураҕынан – садьыгынан  муҥурданар  буолла. Хоп – сип  таһымынан  эрэ  толкуйдуур  уопсастыба  хайдах  сиэрдээх – майгылаах  буолара  сэрэйиллэр.  Ол  охсуута  барыта  кэнчээри  ыччаппытыгар  дьайара  хомолтолоох. Онон  дьон – сэргэ  духуобунай  эйгэтин  байытар,  олох  дьиҥнээх  сыаннастарын  өйдүүр,  чөл  куттаах,  үрдүк  култууралаах,  кэрэни  кэрэхсиир  дууьалаах,  дириҥ  билиилээх,  мындыр  буоларын  туһугар  Литература  сыла  сөпкө  уонна  саамай  тоҕоостоох  кэмигэр  биллэрилиннэ.  Онон  биһиги  төрөппүттэр,  эбэлэр,  эһээлэр,  учууталлар,  иитээччилэр  бары  бүттүүн  ыччат  оҕолорбутугар  холобур  көрдөрөн  кинилэри  кытта    кинигэни,  хаһыаты,  сурунаалы  тэҥҥэ  ааҕан,  библиотекаҕа  сырытыннаран  өйдөрө  санаалара  ырааһыран,  толкуйдуу  үөрэнэллэригэр,  үүнэллэригэр  олук  уурсан  бу  сылы  мүччү  туппакка  бары  бүттүүн  ааҕыаҕыҥ,  аахтарыаҕыҥ  диэн  ыҥырабын.  Кылгас  информацияны  оҥордо  олохтоох  библиотека  сэбиэдиссэйэ  Рыгунова  З.Ф. Кыттыыны ылла нэһилиэк баһылыга Тимофеев А.П

 

 

Дьоро  киэьэбит  бастакы  түһүмэ5э.  “Ааҕыахха, сайдыахха,  Аартыгы  арыйыахха”  —  (айымньыны  дорҕоонноохтук,  ис  сүрэхтэн  ааҕыы).  Нэһилиэк  салайааччыларын  ааҕыыларыгар  нуучча  уонна  саха  классиктарын  хоһооннорун  ааҕыы.

 

 

Дьоро  киэьэбит  иккис  туьумэ5эТрудовая  слава  Земли  Хангаласской  —  кинигэ  сүрэхтэниитэ.

2014  сыл  биһиэхэ  Хаҥаластарга  үчүгэй  сонун  бэлэҕи  туттаран  барда,  Ол  курдук  Хаҥалас  улууһун  үлэнэн  аатырдыбыт  дьоммут  туһунан  кинигэ  таҕыста.  Бу  кинигэҕэ  киирбит  үлэһит  дьоммутун  тыыл,  үлэ  ветераннарын  истиҥник,  көхтөөхтүк  эҕэрдэлээтибит.  Бу  маннык  историческай  суолталаах  дьоһун  кинигэни  сүүрэн – көтөн,  ирдэһэн  хомуйан  оҥотторбут  дьоммутугар  И. П.  уонна  Е. М. Заморщиковтарга, “Хаҥалас”  хаһыат  тутаах  үлэһитигэр  Л.  Д.  Аммосоваҕа  ис  сүрэхтэн  дьоро  күн  кыттыылаахтара  махталларын  биллэрдилэр.  Кинигэ  туһунан  сырдатта,  кэпсээтэ  олохтоох  библиотекарь.  Кинигэ  туһунан  кэпсэтиигэ  кытыннылар:  Климентов  С.П.  Киприянов  Д. Д.  Молгарова  П.С.  у. д . а.

 

Үһүс  түьүмэх.  “Билсиҥ:  нэһилиэк  хоһоон  суруйар  дьонноро” —  автордар  бэйэлэрин  хоһооннорун  ааҕан  иһитиннэрдилэр.  Ыҥырыылаах  ыалдьыттар  остуол  тула  олорон  биир  дойдулаахтарын  хоһооннорун  иһиттилэр.  Хоһоон  суруйар  дьоннорбут  түмсүү  тэринэр  туһунан  кэпсэтии  ыыттылар, салайааччынан  эдэр  эрчимнээх,  хоһоонноро  “Чолбон”  сурунаалга хаста  да  бэчээттэммит,  дьон  сэҥээриитин  ылбыт  С. И. Макаровы  таллылар.

Литература  сылынан  библиотека  иһинэн  “Село  читает – значит  живет”  (Нэһилиэк  ааҕар – ол  аата  олохтоохтук,  бигэтик  олорор)  диэн  программа  үлэлиэҕэ.  Бу  программа  олоххо  киирэрин  туһугар  бары  тэрилтэлэр,  түөлбэлэр  ылсан  үлэлиэхтээхпит.

 

Литература  сыла  айар-суруйар  эйгэҕэ  элбэх  түбүктээх  уонна  түмүктэрдээх  буолуоҕар  эрэнэбит.  Сыл  түмүгүнэн  маннык  номинациялар  туттарыллыахтара: “Айдарыылаах  ааҕааччы”,  “Кэскиллээх  ааҕааччы”, “Кэрэхсэбиллээх  ааҕааччы”.

            Бу  тэрээһиннэр  дьон – сэргэ  духуобунаһын  сайыннарыыга  биллэр – көстөр  үтүө  дьайыыланыахтара диэн  эрэнэбит.

 

 

Поделиться: